ban aai teri shafaat se ru-siyahon ki

Ameer Minai

ban aai teri shafaat se ru-siyahon ki

Ameer Minai

MORE BYAmeer Minai

    ban aa.ī terī shafā.at se rū-siyāhoñ

    ki fard dāḳhil-e-daftar huī gunāhoñ

    tire faqīr dikhā.eñ jo martaba apnā

    nazar se utre chaḌhī bārgāh shāhoñ

    zarā bhī chashm-e-karam ho to le uḌeñ hūreñ

    samajh ke surma siyāhī mire gunāhoñ

    ḳhushā-nasīb jo terī galī meñ dafn hue

    jināñ meñ rūheñ haiñ in maġhfirat-panāhoñ

    farishte karte haiñ dāmān-e-zulf-e-hūr se saaf

    jo gard paḌtī hai us rauze par nigāhoñ

    rukegī aa ke shafā.at tirī ḳharīdārī

    khuleñgī hashr meñ jab gaThḌiyāñ gunāhoñ

    maiñ nā-tavān huuñ pahuñchūñgā aap tak kyūñkar

    ki bhiiḌ hogī qayāmat meñ uzr-ḳhvāhoñ

    nigāh-e-lutf hai lāzim ki duur ho ye marz

    dabā rahī hai siyāhī mujhe gunāhoñ

    ḳhudā karīm mohammad shafī-e-roz-e-jazā

    'amīr' kyā hai haqīqat mire gunāhoñ

    ban aai teri shafaat se ru-siyahon ki

    ki fard daKHil-e-daftar hui gunahon ki

    tere faqir dikhaen jo martaba apna

    nazar se utre chaDhi bargah shahon ki

    zara bhi chashm-e-karam ho to le uDen huren

    samajh ke surma siyahi mere gunahon ki

    KHusha-nasib jo teri gali mein dafn hue

    jinan mein ruhen hain in maghfirat-panahon ki

    farishte karte hain daman-e-zulf-e-hur se saf

    jo gard paDti hai us rauze par nigahon ki

    rukegi aa ke shafaat teri KHaridari

    khulengi hashr mein jab gaThDiyan gunahon ki

    main na-tawan hun pahunchunga aap tak kyunkar

    ki bhiD hogi qayamat mein uzr-KHwahon ki

    nigah-e-lutf hai lazim ki dur ho ye marz

    daba rahi hai siyahi mujhe gunahon ki

    KHuda karim mohammad shafi-e-roz-e-jaza

    'amir' kya hai haqiqat mere gunahon ki

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now