dil ka sukun chain ka saman hain mustafa

dil kā sukūn chain kā sāmāñ haiñ mustafā

ham bekasoñ ke dard kā darmāñ haiñ mustafā

mahbūb-e-rab haiñ rahmat-e-yazdāñ haiñ mustafā

mahshar meñ baḳhshishoñ kā bhī sāmāñ haiñ mustafā

ilhād-o-kufr miT ga.e saare jahān se

zulmat-kade meñ sham'-e-farozāñ haiñ mustafā

hai un kī shaan āyat-e-qur.ān se 'ayāñ

ham par ḳhudā-e-pāk kā ehsāñ haiñ mustafā

lail-o-nahār khilte haiñ vahdāniyat ke phuul

vahdat kī sarzamīñ pe gulistāñ haiñ mustafā

sab ke liye payām-e-shafā'at hai un kā 'aam

har ek kī najāt kā sāmāñ haiñ mustafā

'araq-e-badan se aap ke mahkī hai kā.enāt

haañ nik.hat-e-bahār-o-gulistāñ haiñ mustafā

hotā hai ḳhatm un pe nubuvvat kā silsila

'mohsin' 'ayāñ hai ḳhatm-e-rasūlāñ haiñ mustafā

dil ka sukun chain ka saman hain mustafa

hum bekason ke dard ka darman hain mustafa

mahbub-e-rab hain rahmat-e-yazdan hain mustafa

mahshar mein baKHshishon ka bhi saman hain mustafa

ilhad-o-kufr miT gae sare jahan se

zulmat-kade mein sham'-e-farozan hain mustafa

hai un ki shan aayat-e-quran se 'ayan

hum par KHuda-e-pak ka ehsan hain mustafa

lail-o-nahaar khilte hain wahdaniyat ke phul

wahdat ki sarzamin pe gulistan hain mustafa

sab ke liye payam-e-shafa'at hai un ka 'am

har ek ki najat ka saman hain mustafa

'araq-e-badan se aap ke mahki hai kaenat

han nikhat-e-bahaar-o-gulistan hain mustafa

hota hai KHatm un pe nubuwwat ka silsila

'mohsin' 'ayan hai KHatm-e-rasulan hain mustafa