dil ki har aah mein itna to asar ho jae

dil kī har aah meñ itnā to asar ho jaa.e

maiñ idhar taḌpūñ udhar un ko ḳhabar ho jaa.e

aap rahmat ke payambar haiñ rasūl-e-'arabī

ham ġhulāmoñ pe bhī ik lutf-e-nazar ho jaa.e

chehra qur.ān badan nuur kā allāh allāh

ik jhalak dekh ke dīvāna bashar ho jaa.e

pā-e-aqdas kī chamak se haiñ sitāre raushan

aap muñh pher leñ be-nūr qamar ho jaa.e

is se pahle ki qazā aa.e tamannāoñ ko

yā-nabī shahr-e-madīna kā safar ho jaa.e

maiñ samajh lūñgā mohabbat kī yahī hai me'rāj

mid.hat-e-nūr kā hāsil jo hunar ho jaa.e

hai 'shamīm' us shah-e-kaunain kī rahmat pe nisār

jis ke darbār meñ zarra bhī guhar ho jaa.e

dil ki har aah mein itna to asar ho jae

main idhar taDpun udhar un ko KHabar ho jae

aap rahmat ke payambar hain rasul-e-'arabi

hum ghulamon pe bhi ek lutf-e-nazar ho jae

chehra quran badan nur ka allah allah

ek jhalak dekh ke diwana bashar ho jae

pa-e-aqdas ki chamak se hain sitare raushan

aap munh pher len be-nur qamar ho jae

is se pahle ki qaza aae tamannaon ko

ya-nabi shahr-e-madina ka safar ho jae

main samajh lunga mohabbat ki yahi hai me'raj

midhat-e-nur ka hasil jo hunar ho jae

hai 'shamim' us shah-e-kaunain ki rahmat pe nisar

jis ke darbar mein zarra bhi guhar ho jae