dilon ke sath jabinen jo KHam nahin karte

diloñ ke saath jabīneñ jo ḳham nahīñ karte

vo pās-e-mid.hat-e-ḳhair-ul-umam nahīñ karte

duā baġhair ijāzat baġhair izn baġhair

ham ek lafz sipurd-e-qalam nahīñ karte

kitāb-e-haq ne jinheñ mustafā qarār diyā

juz un ke aur koī zikr ham nahīñ karte

karīm aise ki in.aam karte jaate haiñ

javād aise ki ne.amat ko kam nahīñ karte

jo un ke jāda-e-rahmat se munharif ho jaa.eñ

zamāne un ko kabhī mohtaram nahīñ karte

mayassar aatī hai jin ko darūd kī taufīq

kisī bhī haal meñ hoñ koī ġham nahīñ karte

nazar meñ tā.ef-o-makka raheñ to un ke ġhulām

javāb meñ bhī sitam ke sitam nahīñ karte

dilon ke sath jabinen jo KHam nahin karte

wo pas-e-midhat-e-KHair-ul-umam nahin karte

dua baghair ijazat baghair izn baghair

hum ek lafz sipurd-e-qalam nahin karte

kitab-e-haq ne jinhen mustafa qarar diya

juz un ke aur koi zikr hum nahin karte

karim aise ki inam karte jate hain

jawad aise ki neamat ko kam nahin karte

jo un ke jada-e-rahmat se munharif ho jaen

zamane un ko kabhi mohtaram nahin karte

mayassar aati hai jin ko darud ki taufiq

kisi bhi haal mein hon koi gham nahin karte

nazar mein taef-o-makka rahen to un ke ghulam

jawab mein bhi sitam ke sitam nahin karte