hamara rishta hai us sadiq-o-amin ke sath

hamārā rishta hai us sādiq-o-amīn ke saath

vo jis kī rahmateñ yaksāñ haiñ 'ālamīn ke saath

jo ḳhāksārī na kahiye to aur kyā kahiye

falak-nashīñ kā juḌe rahnā yuuñ zamīn ke saath

vo jis pe ‘azmat-o-rif’at tamām hotī haiñ

tumhārī zaat hai kah saktā huuñ yaqīn ke saath

jo nā't-e-pāk kī mahfil sajā.e rahte haiñ

ilāhī hashr kare un kā sālihīn ke saath

mire rasūl kī mo’jiz-bayāniyāñ le kar

ḳhalā meñ uḌne lagā aadmī machine ke saath

rahe laboñ pe tarāna rasūl-e-akram kā

jahāñ se jab bhī maiñ jā.ūñ to jā.ūñ diin ke saath

namāz baa'd meñ sarkār ko huī mausūl

paḌhā dī pahle hī aqsā meñ mursalīn ke saath

na jā sakā to ye āñkheñ hī bhej dūñgā 'nūr'

nabī ke shahr-e-madīna meñ zā.erīn ke saath

hamara rishta hai us sadiq-o-amin ke sath

wo jis ki rahmaten yaksan hain 'alamin ke sath

jo KHaksari na kahiye to aur kya kahiye

falak-nashin ka juDe rahna yun zamin ke sath

wo jis pe ‘azmat-o-rif’at tamam hoti hain

tumhaari zat hai kah sakta hun yaqin ke sath

jo na't-e-pak ki mahfil sajae rahte hain

ilahi hashr kare un ka salihin ke sath

mere rasul ki mo’jiz-bayaniyan le kar

KHala mein uDne laga aadmi machine ke sath

rahe labon pe tarana rasul-e-akram ka

jahan se jab bhi main jaun to jaun din ke sath

namaz ba'd mein sarkar ko hui mausul

paDha di pahle hi aqsa mein mursalin ke sath

na ja saka to ye aankhen hi bhej dunga 'nur'

nabi ke shahr-e-madina mein zaerin ke sath