jis dil mein mohabbat hai unki har waqt machalti rahti hai

jis dil meñ mohabbat hai un kī har vaqt machaltī rahtī hai

din raat kī koī qaid nahīñ ye sham' to jaltī rahtī hai

mahbūb-e-ḳhudā so.e haiñ abhī paḌh leñge namāz-e-‘asr 'alī

sūraj bhī chamaktā rahtā hai aur shaam bhī Dhaltī rahtī hai

aatī hai kahāñ se ye ḳhushbū ye raaz halīma kyā jaane

vo nik.hat-e-gul vo rahmat-e-kul āġhosh meñ paltī rahtī hai

aane do jo tūfāñ aate haiñ uThne do jo maujeñ uThtī haiñ

sultān-e-madīna ke sadqe ye naav to chaltī rahtī hai

furqat meñ 'aqīl' ab kaise bane ye bār-e-ġham-e-dil kaise sahe

le de ke sahārā hai jis kā vo maut bhī Taltī rahtī hai

jis dil mein mohabbat hai un ki har waqt machalti rahti hai

din raat ki koi qaid nahin ye sham' to jalti rahti hai

mahbub-e-KHuda soe hain abhi paDh lenge namaz-e-‘asr 'ali

suraj bhi chamakta rahta hai aur sham bhi Dhalti rahti hai

aati hai kahan se ye KHushbu ye raaz halima kya jaane

wo nikhat-e-gul wo rahmat-e-kul aaghosh mein palti rahti hai

aane do jo tufan aate hain uThne do jo maujen uThti hain

sultan-e-madina ke sadqe ye naw to chalti rahti hai

furqat mein 'aqil' ab kaise bane ye bar-e-gham-e-dil kaise sahe

le de ke sahaara hai jis ka wo maut bhi Talti rahti hai