jis pe chaDh jata hai us ahmad-e-muKHtar ka rang

jis pe chaḌh jaatā hai us ahmad-e-muḳhtār kā rang

us ko bhātā hī nahīñ hai kisī rañg-dār kā rang

raat kyā ḳhvāb meñ mahbūb-e-ḳhudā aa.e the

badlā badlā huā kyoñ hai dar-o-dīvār kā rang

saarī duniyā ko harā aur bharā rakhnā thā

is liye sabz huā gumbad-e-sarkār kā rang

shab pareshāñ hai agar zulfoñ kī tārīkī se

chāñd hairāñ hai udhar dekh ke ruḳhsār kā rang

yuuñ to rañg-dār bahut aa.e haiñ duniyā meñ magar

munfarid paayā gayā hai mire sarkār kā rang

mid.hat-e-sarvar-e-kaunain kā samra hai sabhī

kuchh dinoñ se jo alag hai mire afkār kā rang

ek hī rang meñ rangā huā paayā sab ko

kab muhājir se alag ho sakā ansār kā rang

jis pe chaDh jata hai us ahmad-e-muKHtar ka rang

us ko bhata hi nahin hai kisi rang-dar ka rang

raat kya KHwab mein mahbub-e-KHuda aae the

badla badla hua kyon hai dar-o-diwar ka rang

sari duniya ko hara aur bhara rakhna tha

is liye sabz hua gumbad-e-sarkar ka rang

shab pareshan hai agar zulfon ki tariki se

chand hairan hai udhar dekh ke ruKHsar ka rang

yun to rang-dar bahut aae hain duniya mein magar

munfarid paya gaya hai mere sarkar ka rang

midhat-e-sarwar-e-kaunain ka samra hai sabhi

kuchh dinon se jo alag hai mere afkar ka rang

ek hi rang mein ranga hua paya sab ko

kab muhajir se alag ho saka ansar ka rang