jise ishq-e-shah-e-umam ho gaya

jise 'ishq-e-shāh-e-umam ho gayā

vo dil aur bhī mohtaram ho gayā

jo un kā ḳhudā kī qasam ho gayā

vo insān mahfūz-e-ġham ho gayā

habīb-e-ḳhudā haiñ tabīb-e-jahāñ

nigāheñ uThīñ dard kam ho gayā

maiñ har dam madīne kī galiyoñ meñ huuñ

tasavvur bhī ik jām-e-jam ho gayā

maiñ jab se nabī kī panāhoñ meñ huuñ

ta'alluq zamāne se kam ho gayā

nazar ke liye hāsil-e-bandagī

mohammad kā naqsh-e-qadam ho gayā

use mil ga.ī ne'mat-e-do-e-jahāñ

jo 'bismil' rahīn-e-haram ho gayā

jise 'ishq-e-shah-e-umam ho gaya

wo dil aur bhi mohtaram ho gaya

jo un ka KHuda ki qasam ho gaya

wo insan mahfuz-e-gham ho gaya

habib-e-KHuda hain tabib-e-jahan

nigahen uThin dard kam ho gaya

main har dam madine ki galiyon mein hun

tasawwur bhi ek jam-e-jam ho gaya

main jab se nabi ki panahon mein hun

ta'alluq zamane se kam ho gaya

nazar ke liye hasil-e-bandagi

mohammad ka naqsh-e-qadam ho gaya

use mil gai ne'mat-e-do-e-jahan

jo 'bismil' rahin-e-haram ho gaya