KHwab mein zulf ko mukhDe se laga le aa ja

ḳhvāb meñ zulf ko mukhḌe se lagā le aa jā

be-naqāb aaj tū ai gesuoñ vaale aa jā

be-kasī par mirī ḳhuuñ rote haiñ chhāle aa jā

raah meñ chhoḌ ga.e qāfile vaale aa jā

kaun hai māh-e-'arab kaun hai mahbūb-e-ḳhudā

ai do-'ālam ke hasīnoñ se nirāle aa jā

dam tirī diid ko āñkhoñ meñ lagā rakkhā hai

le rahe haiñ tire bīmār sañbhāle aa jā

huuñ siyahkār mire 'aib khule jaate haiñ

kamlī vaale mujhe kamlī meñ chhupā le aa jā

pahuñchā mahbūb to mashshāta-e-qudrat ne kahā

ḳhalvat-e-nāz meñ ai naaz ke paale aa jā

rang-e-vahdat hai yahāñ ġhuncha-e-ḳhalvat hai yahāñ

ai gul-e-gulshan-e-laulāk kamāne aa jā

sūrat-e-lāla hai pur-dāġh 'bayāñ' kā siina

paḌ rahe haiñ tire bīmār ke laale aa jā

KHwab mein zulf ko mukhDe se laga le aa ja

be-naqab aaj tu ai gesuon wale aa ja

be-kasi par meri KHun rote hain chhaale aa ja

rah mein chhoD gae qafile wale aa ja

kaun hai mah-e-'arab kaun hai mahbub-e-KHuda

ai do-'alam ke hasinon se nirale aa ja

dam teri did ko aankhon mein laga rakkha hai

le rahe hain tere bimar sanbhaale aa ja

hun siyahkar mere 'aib khule jate hain

kamli wale mujhe kamli mein chhupa le aa ja

pahuncha mahbub to mashshata-e-qudrat ne kaha

KHalwat-e-naz mein ai naz ke pale aa ja

rang-e-wahdat hai yahan ghuncha-e-KHalwat hai yahan

ai gul-e-gulshan-e-laulak kamane aa ja

surat-e-lala hai pur-dagh 'bayan' ka sina

paD rahe hain tere bimar ke lale aa ja