kya hi baKHt-awar hai wo insan jaan

kyā hī baḳht-āvar hai vo insān jaan

aap ke dar kā hai jo darbān jaan

ḳhud hai vāsif aap kā qur.ān jaan

kyā bayāñ ho aap kī phir shaan jaan

kaash taiba kā safar ho aur mujhe

maut aa.e naa't ke daurān jaan

sun ke qur.ān-e-muqaddas aap se

haiñ fasīhān-e-'arab hairān jaan

jo tumhārī bārgah meñ ho qubūl

vo likhūñ maiñ nā'tiya dīvān jaan

ruuh nikle aap ke darbār meñ

bas yahī hai dil meñ ik armān jaan

roz-e-mahshar ḳhuld meñ vo jā.egā

aap par le aayā jo īmān jaan

jo na maane aap ke farmān ko

hai vahī sab se baḌā nādān jaan

bā-adab kartā rahe 'āfī' sanā

kaash ho baḳhshish kā ye sāmān jaan

kya hi baKHt-awar hai wo insan jaan

aap ke dar ka hai jo darban jaan

KHud hai wasif aap ka quran jaan

kya bayan ho aap ki phir shan jaan

kash taiba ka safar ho aur mujhe

maut aae na't ke dauran jaan

sun ke quran-e-muqaddas aap se

hain fasihan-e-'arab hairan jaan

jo tumhaari bargah mein ho qubul

wo likhun main na'tiya diwan jaan

ruh nikle aap ke darbar mein

bas yahi hai dil mein ek arman jaan

roz-e-mahshar KHuld mein wo jaega

aap par le aaya jo iman jaan

jo na mane aap ke farman ko

hai wahi sab se baDa nadan jaan

ba-adab karta rahe 'afi' sana

kash ho baKHshish ka ye saman jaan