kyon qarar aata nahin dil ko kisi surat na puchh

kyoñ qarār aatā nahīñ dil ko kisī sūrat na pūchh

ishtiyāq-e-rūyat-e-hazrat kī kaifiyyat na pūchh

jhuk rahī hai aaj bhī qadmoñ par un ke kā.enāt

ḳhāksārān-e-shah-e-kaunain kī 'azmat na pūchh

jāguzīñ dil meñ mire 'ishq-e-shah-e-laulāk hai

bārgāh-e-quds meñ is kī hai kyā qīmat na pūchh

jis ke aage hai bahār-e-gulshan-e-jannat ḳhajil

kitnī dilkash hai fazā-e-rauza-e-hazrat na pūchh

kahiye us ko maḳhzan-e-asrār to bilkul bajā

dil meñ poshīda hai kis ke 'ishq kī daulat na pūchh

jab zabāñ par aa gayā naam ahmad-e-muḳhtār kā

ranj meñ bhī mil ga.ī hai kis qadar rāhat na pūchh

huuñ ġhulām-e-shāfe'-e-mahshar 'jamālī' ġham nahīñ

apnī baḳhshish kī nikal aa.egī kyā sūrat na pūchh

kyon qarar aata nahin dil ko kisi surat na puchh

ishtiyaq-e-ruyat-e-hazrat ki kaifiyyat na puchh

jhuk rahi hai aaj bhi qadmon par un ke kaenat

KHaksaran-e-shah-e-kaunain ki 'azmat na puchh

jaguzin dil mein mere 'ishq-e-shah-e-laulak hai

bargah-e-quds mein is ki hai kya qimat na puchh

jis ke aage hai bahaar-e-gulshan-e-jannat KHajil

kitni dilkash hai faza-e-rauza-e-hazrat na puchh

kahiye us ko maKHzan-e-asrar to bilkul baja

dil mein poshida hai kis ke 'ishq ki daulat na puchh

jab zaban par aa gaya nam ahmad-e-muKHtar ka

ranj mein bhi mil gai hai kis qadar rahat na puchh

hun ghulam-e-shafe'-e-mahshar 'jamali' gham nahin

apni baKHshish ki nikal aaegi kya surat na puchh