main jo qismat se madine ka gada ho jata

maiñ jo qismat se madīne kā gadā ho jaatā

fazl-e-maulā se maiñ shāhoñ se baḌā ho jaatā

vird-e-lab salle-'alā salle-'alā ho jaatā

bahr-e-ālām se maiñ pal meñ rihā ho jaatā

mustahiq ḳhuld kā ho jaatā baroz-e-mahshar

jān-o-dil merā agar un pe fidā ho jaatā

baḳht par naaz mire karte zamāne vaale

shahr-e-taiba meñ agar jaanā mirā ho jaatā

aap ke dar pe jo phailāte haiñ jholī apnī

un ko bin māñge hī sab kuchh hī 'atā ho jaatā

'āfī' tū naa't agar likhtā faqat un ke liye

raazī phir kyoñ na bhalā tujh se ḳhudā ho jaatā

main jo qismat se madine ka gada ho jata

fazl-e-maula se main shahon se baDa ho jata

wird-e-lab salle-'ala salle-'ala ho jata

bahr-e-alam se main pal mein riha ho jata

mustahiq KHuld ka ho jata baroz-e-mahshar

jaan-o-dil mera agar un pe fida ho jata

baKHt par naz mere karte zamane wale

shahr-e-taiba mein agar jaana mera ho jata

aap ke dar pe jo phailate hain jholi apni

un ko bin mange hi sab kuchh hi 'ata ho jata

'afi' tu na't agar likhta faqat un ke liye

raazi phir kyon na bhala tujh se KHuda ho jata