main kaise karun midhat-e-sarkar-e-madina

meñ kaise karūñ mid.hat-e-sarkār-e-madīna

hai pesh-e-nazar manzar-e-zau-bār-e-madīna

chakkar to lagā aa.e haiñ shahroñ ke nagar ke

hasrat hai hameñ phir mile darbār-e-madīna

duniyā ne bahut DhūñDā mohammad kā muqābil

mil paayā nahīñ jaisā hai sardār-e-madīna

as.hāb-e-risālat ne kahā ajr batā.eñ

ḳhāmosh hue sunte hī sarkār-e-madīna

jibrīl-e-amīñ ne kahā hai ajr mavaddat

ab dekhiye kyā karte haiñ makkār-e-madīna

jab āl-e-mohammad kī mavaddat kā huā zikr

chehre hue faq chubh ga.e kuchh ḳhār-e-madīna

jab tum se adā hogā nahīñ ajr-e-risālat

bas naam ke rah jāoge zavvār-e-madīna

kitne to zakātoñ ko adā kar nahīñ paa.e

kahte the musalmāñ jinheñ zardār-e-madīna

ham-rāh risālat ke 'alī sīna-sipar the

hasnain hamesha the vafādār-e-madīna

jaate the mohammad dar-e-zahrā pe hamesha

karne ko salāmī ma’-e-ansār-e-madīna

ḳhvāhish hai madīne kī mukarrar ho ziyārat

phir dar pe bulā.eñ hameñ sarkār-e-madīna

'ābid' ko ġhulāmī kī sanad mil ke rahegī

zahrā kī du'āoñ se huuñ mai-ḳhvār-e-madīna

mein kaise karun midhat-e-sarkar-e-madina

hai pesh-e-nazar manzar-e-zau-bar-e-madina

chakkar to laga aae hain shahron ke nagar ke

hasrat hai hamein phir mile darbar-e-madina

duniya ne bahut DhunDa mohammad ka muqabil

mil paya nahin jaisa hai sardar-e-madina

ashab-e-risalat ne kaha ajr bataen

KHamosh hue sunte hi sarkar-e-madina

jibril-e-amin ne kaha hai ajr mawaddat

ab dekhiye kya karte hain makkar-e-madina

jab aal-e-mohammad ki mawaddat ka hua zikr

chehre hue faq chubh gae kuchh KHar-e-madina

jab tum se ada hoga nahin ajr-e-risalat

bas nam ke rah jaoge zawwar-e-madina

kitne to zakaton ko ada kar nahin pae

kahte the musalman jinhen zardar-e-madina

ham-rah risalat ke 'ali sina-sipar the

hasnain hamesha the wafadar-e-madina

jate the mohammad dar-e-zahra pe hamesha

karne ko salami ma’-e-ansar-e-madina

KHwahish hai madine ki mukarrar ho ziyarat

phir dar pe bulaen hamein sarkar-e-madina

'abid' ko ghulami ki sanad mil ke rahegi

zahra ki du'aon se hun mai-KHwar-e-madina