mera jo peshwa-e-rah-e-mustaqim hai

merā jo peshvā-e-rah-e-mustaqīm hai

allāh kā alif hai mohammad kā miim hai

allāh kā 'azīz hai jis ḳhush-nasīb ke

dil meñ qiyām-e-yād-e-rasūl-e-karīm hai

mujh par usī ke rahm-o-karam kī haiñ bārisheñ

vo zaat jo habīb-e-ġhafūr-ur-rahīm hai

ab is ko 'aam baat kahūñ yā ki ḳhaas baat

allāh bhī rahīm hai tū bhī rahīm hai

ḳhurshīd sar-nashīñ bhī ho mahshar ke din to kyā

apne liye to sāya-e-sāhib galīm hai

qur.ān jis kī sīrat-o-hikmat ko ham kaheñ

duniyā meñ dūsrā koī aisā hakīm hai

vo jis ke nām-e-nāmī se larzāñ thī qaisarī

vo aamna kā laal hai durr-e-yatīm hai

tahrīr hai jo sīrat-e-sarkār-e-do-jahāñ

ai dil tirī kitāb-e-mohabbat zaḳhīm hai

'aḳhtar' ho jashn-e-sīrat-e-hazrat jagah jagah

be-shak is in'iqād kā ajr-e-‘azīm hai

mera jo peshwa-e-rah-e-mustaqim hai

allah ka alif hai mohammad ka mim hai

allah ka 'aziz hai jis KHush-nasib ke

dil mein qiyam-e-yaad-e-rasul-e-karim hai

mujh par usi ke rahm-o-karam ki hain barishen

wo zat jo habib-e-ghafur-ur-rahim hai

ab is ko 'am baat kahun ya ki KHas baat

allah bhi rahim hai tu bhi rahim hai

KHurshid sar-nashin bhi ho mahshar ke din to kya

apne liye to saya-e-sahib galim hai

quran jis ki sirat-o-hikmat ko hum kahen

duniya mein dusra koi aisa hakim hai

wo jis ke nam-e-nami se larzan thi qaisari

wo aamna ka lal hai durr-e-yatim hai

tahrir hai jo sirat-e-sarkar-e-do-jahan

ai dil teri kitab-e-mohabbat zaKHim hai

'aKHtar' ho jashn-e-sirat-e-hazrat jagah jagah

be-shak is in'iqad ka ajr-e-‘azim hai