mubarak un ko dar-e-nabi par jo chand ghaDiyan guzar aae

mubārak un ko dar-e-nabī par jo chand ghaḌiyāñ guzār aa.e

vo apnī 'uqbā sudhār aa.e vo apnī duniyā sañvār aa.e

karam sarāpā tamām rahmat nafas masīhā nigāh marham

vo ġham-zadoñ ke jahāñ meñ le kar payām-e-sabr-o-qarār aa.e

sahāb-e-rahmat kā hai ye 'ālam ki ġhair par bhī karam kī bārish

nigāh-o-dil meñ ye dard-mandī ki dushmanoñ par bhī pyaar aa.e

hamāre dāman meñ kuchh nahīñ thā jo un kī mahfil meñ pesh karte

bas ek jaañ thī jo nazr kar dī bas ek dil thā jo vaar aa.e

'aqīl' sidq-o-safā kā jaada na ham ne chhoḌā na ham se chhūTā

hamārī rāhoñ meñ zor-e-bātil hazār kyā laakh baar aa.e

mubarak un ko dar-e-nabi par jo chand ghaDiyan guzar aae

wo apni 'uqba sudhaar aae wo apni duniya sanwar aae

karam sarapa tamam rahmat nafas masiha nigah marham

wo gham-zadon ke jahan mein le kar payam-e-sabr-o-qarar aae

sahab-e-rahmat ka hai ye 'alam ki ghair par bhi karam ki barish

nigah-o-dil mein ye dard-mandi ki dushmanon par bhi pyar aae

hamare daman mein kuchh nahin tha jo un ki mahfil mein pesh karte

bas ek jaan thi jo nazr kar di bas ek dil tha jo war aae

'aqil' sidq-o-safa ka jada na hum ne chhoDa na hum se chhuTa

hamari rahon mein zor-e-baatil hazar kya lakh bar aae