mujhko shadid ishq hai nam-e-nabi ke sath

mujh ko shadīd 'ishq hai nām-e-nabī ke saath

har shai bachā.ī jā.egī ik din isī ke saath

puure jahāñ meñ kaisā ujālā ye kar diyā

ġhār-e-hirā se laa.ī huī raushnī ke saath

baaqī nahīñ patā vo hai muflis ki bādshāh

jo bhī nabī ke saath hai maiñ huuñ usī ke saath

donoñ jahān kī hai milī saltanat unheñ

aur zindagī guzārī hai kis sādgī ke saath

jaate haiñ shahr-e-‘ilm meñ bas bāb-e-‘ilm se

rakhnā hai rābta hameñ maulā 'alī ke saath

'ātif' bulā.eñ mujh ko madīne meñ vo kabhī

hāzir huuñ un ke dar pe maiñ is shā'irī ke saath

mujh ko shadid 'ishq hai nam-e-nabi ke sath

har shai bachai jaegi ek din isi ke sath

pure jahan mein kaisa ujala ye kar diya

ghaar-e-hira se lai hui raushni ke sath

baqi nahin pata wo hai muflis ki baadshah

jo bhi nabi ke sath hai main hun usi ke sath

donon jahan ki hai mili saltanat unhen

aur zindagi guzari hai kis sadgi ke sath

jate hain shahr-e-‘ilm mein bas bab-e-‘ilm se

rakhna hai rabta hamein maula 'ali ke sath

'atif' bulaen mujh ko madine mein wo kabhi

hazir hun un ke dar pe main is sha'iri ke sath