mustafa ki chaukhaT se kya kahen ki kya paya

mustafā kī chaukhaT se kyā kaheñ ki kyā paayā

ruuh kī ġhizā paa.ī diid kā maza paayā

aaqā bhī karīm apnā daatā bhī karīm apnā

ham ne yuuñ karam vaalā ek silsila paayā

ho gayā ġhanī koī koī fāteh-e-ḳhaibar

jis ne mere aaqā se paayā be-bahā paayā

sāhib-e-kamāl aisā mālik-e-jamāl aisā

ai falak batā tū ne koī dūsrā paayā

terī 'azmateñ aaqā bas tirā ḳhudā jaane

ham ne ūñche ūñchoñ ko taiba meñ jhukā paayā

sarvar-e-do-'ālam kī bārgāh-e-aqdas meñ

jis ne jo sunā dekhā jis ne jo kahā paayā

hashr meñ ye dekhegā mad.h-ḳhvāñ mohammad kā

nā’t-e-pāk kahne kā kis qadar sila paaya

'nūr' un kī fayyāzī dekh hauz-e-kausar par

jaam ik huā ḳhālī dūsrā bharā paayā

mustafa ki chaukhaT se kya kahen ki kya paya

ruh ki ghiza pai did ka maza paya

aaqa bhi karim apna data bhi karim apna

hum ne yun karam wala ek silsila paya

ho gaya ghani koi koi fateh-e-KHaibar

jis ne mere aaqa se paya be-baha paya

sahib-e-kamal aisa malik-e-jamal aisa

ai falak bata tu ne koi dusra paya

teri 'azmaten aaqa bas tera KHuda jaane

hum ne unche unchon ko taiba mein jhuka paya

sarwar-e-do-'alam ki bargah-e-aqdas mein

jis ne jo suna dekha jis ne jo kaha paya

hashr mein ye dekhega madh-KHwan mohammad ka

na’t-e-pak kahne ka kis qadar sila paya

'nur' un ki fayyazi dekh hauz-e-kausar par

jam ek hua KHali dusra bhara paya