na ho udas wo sab intizam kar denge
na ho udaas vo sab intizām kar deñge
'atā pe aa.e to jannat bhī naam kar deñge
sajā ke dekhiye mahfil kabhī vafāoñ kī
kamāl shāh-e-umam ke ġhulām kar deñge
ġhulām ban ke raho un ke ḳhānvāde kā
huzūr vaqt kā tum ko imaam kar deñge
mirī najāt hai mushkil magar yaqīñ hai mujhe
ye kaam aaqā 'alaihis-salām kar deñge
tum un kī aal kī hurmat ko dhyān meñ rakhnā
vo tum ko hashr meñ 'aalī maqām kar deñge
darūd paḌhte raho is yaqīn se 'tanvīr'
ki vo suneñge to lutf-e-davām kar deñge
na ho udas wo sab intizam kar denge
'ata pe aae to jannat bhi nam kar denge
saja ke dekhiye mahfil kabhi wafaon ki
kamal shah-e-umam ke ghulam kar denge
ghulam ban ke raho un ke KHanwade ka
huzur waqt ka tum ko imam kar denge
meri najat hai mushkil magar yaqin hai mujhe
ye kaam aaqa 'alaihis-salam kar denge
tum un ki aal ki hurmat ko dhyan mein rakhna
wo tum ko hashr mein 'ali maqam kar denge
darud paDhte raho is yaqin se 'tanwir'
ki wo sunenge to lutf-e-dawam kar denge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
