aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

نبی کون یعنی رسول کریم

میر حسن

نبی کون یعنی رسول کریم

میر حسن

MORE BYمیر حسن

    نبی کون یعنی رسول کریم

    نبوت کے دریا کا در یتیم

    ہوا گو کہ ظاہر میں امی لقب

    پہ علم لدنی کھلا دل پہ سب

    بغیر از لکھے اور کہے بے رقم

    چلے حکم پر اس کے لوح و قلم

    کیا حق نے نبیوں کا سردار اسے

    بنایا نبوت کا حق دار اسے

    نبوت جو کی حق نے اس پر تمام

    لکھا اشرف الناس خیر الانام

    بنایا سمجھ بوجھ کر خوب اسے

    خدا نے کیا اپنا محبوب اسے

    کہوں اس کے رتبے کا کیا میں بیاں

    کھڑے ہوں جہاں باندھ صف مرسلاں

    محمد کے مانند جگ میں نہیں

    ہوا ہے نہ ایسا نہ ہوگا کہیں

    یہ تھا رمز اس کے جو سایا نہ تھا

    کہ رنگ دوئی واں تک آیا نہ تھا

    نہ ہونے کا سائے کے تھا یہ سبب

    ہوا صرف کعبہ کی پوشش میں سب

    نہ ڈالی کسی شخص پر اپنی چھاؤں

    کسی کا نہ منہ دیکھا دیکھ اس کے پاؤں

    وہ ہوتا زمیں گیر کیا فرش پر

    قدم اس کے سائے کا تھا عرش پر

    جہاں تک کے تھے یاں کے اہل نظر

    سمجھ مایۂ نور کحل البصر

    سبھوں نے لیا پتلیوں سے اٹھا

    زمیں پر نہ سائے کو گرنے دیا

    سیاہی کی پتلی کا ہے یہ سبب

    وہی سایہ پھرتا ہے آنکھوں میں اب

    وگرنہ یہ تھی چشم اپنی کہاں

    اسی سے تو روشن ہے سارا جہاں

    مأخذ:

    ارمغان نعت (Pg. 73)

      • ناشر: مکتبہ دین و ادب، لکھنؤ
      • سن اشاعت: 1964

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے