nabiyon mein martaba hai nirala rasul ka

nabiyoñ meñ martaba hai nirālā rasūl kā

saanī rasūl kā hai na saayā rasūl kā

kartā maiñ kis zabān se tausīf-e-mustafā

sharh-e-kalām-e-pāk hai chehra rasūl kā

raushan haiñ jis ke dam se falak par mah-o-nujūm

vo nūr-e-lam-yazal hai sarāpā rasūl kā

jo jī meñ aa.e le leñ ġhulāmān-e-mustafā

jannat bhī hai rasūl kī taiba rasūl kā

us ke liye hī ḳhuld-e-barīñ kī bahār hai

paḌhtā hai har ghaḌī jo vazīfa rasūl kā

bik jaatī kā.enāt ye hāthoñ yazīd ke

karbal meñ gar na hotā navāsā rasūl kā

saaya zamīñ pe paḌnā gavāra na thā 'shamīm'

rakkhā na rab ne is liye saaya rasūl kā

nabiyon mein martaba hai nirala rasul ka

sani rasul ka hai na saya rasul ka

karta main kis zaban se tausif-e-mustafa

sharh-e-kalam-e-pak hai chehra rasul ka

raushan hain jis ke dam se falak par mah-o-nujum

wo nur-e-lam-yazal hai sarapa rasul ka

jo ji mein aae le len ghulaman-e-mustafa

jannat bhi hai rasul ki taiba rasul ka

us ke liye hi KHuld-e-barin ki bahaar hai

paDhta hai har ghaDi jo wazifa rasul ka

bik jati kaenat ye hathon yazid ke

karbal mein gar na hota nawasa rasul ka

saya zamin pe paDna gawara na tha 'shamim'

rakkha na rab ne is liye saya rasul ka