rasūloñ meñ mumtāz-o-akbar tumhīñ ho
payambar bhī maane payambar tumhīñ ho
tumhārī tajallī hai kaun-o-makāñ meñ
haqīqat meñ māh-e-munavvar tumhīñ ho
tumhīñ ne dikhā.ī hai rāh-e-haqīqat
tamāmī-e-ālam ke rahbar tumhīñ ho
kaho to tumheñ raaz dil kā batā duuñ
suno hasrat-e-qalb-e-muztar tumhīñ ho
banāo to marzī bigāḌo to marzī
ki qismat tumhīñ ho muqaddar tumhīñ ho
tumhārī taraf hī nazar āsiyoñ kī
shafā.at-kun-e-yaum-e-mahshar tumhīñ ho
tumhīñ to ho 'bahzād' ke dil meñ pinhāñ
madīna meñ bhī jalva-gustar tumhīñ ho
rasulon mein mumtaz-o-akbar tumhin ho
payambar bhi mane payambar tumhin ho
tumhaari tajalli hai kaun-o-makan mein
haqiqat mein mah-e-munawwar tumhin ho
tumhin ne dikhai hai rah-e-haqiqat
tamami-e-alam ke rahbar tumhin ho
kaho to tumhein raaz dil ka bata dun
suno hasrat-e-qalb-e-muztar tumhin ho
banao to marzi bigaDo to marzi
ki qismat tumhin ho muqaddar tumhin ho
tumhaari taraf hi nazar aasiyon ki
shafaat-kun-e-yaum-e-mahshar tumhin ho
tumhin to ho 'bahzad' ke dil mein pinhan
madina mein bhi jalwa-gustar tumhin ho
Source:
Naat-e-Huzoor (Pg. 13)
-
Author:
Behzad Lakhnavi
-
- Publisher: Maktaba Burhan, Delhi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.