sadaqat ka sharafat ka saKHawat ka shujaat ka

sadāqat kā sharāfat kā saḳhāvat kā shujā'at kā

bajegā hashr tak Dankā mire aaqā kī 'azmat kā

hameñ kyoñ ḳhauf ho mahshar kā mahshar kī tamāzat kā

hamāre vāste mahshar kā din din hai shafā'at kā

kabūtar ke udhar anDe idhar makḌī ke jaale haiñ

'ajab andāz dekhā hai zamāne ne hifāzat kā

mirā īmān hai āñkheñ vo andhī ho nahīñ saktīñ

sharaf paayā hai jin āñkhoñ ne rauze kī ziyārat kā

tire dar se khulā hai 'ilm kā ik ek darvāza

lagā.e kaun andāza tirī shān-e-liyāqat kā

sadaqat ka sharafat ka saKHawat ka shuja'at ka

bajega hashr tak Danka mere aaqa ki 'azmat ka

hamein kyon KHauf ho mahshar ka mahshar ki tamazat ka

hamare waste mahshar ka din din hai shafa'at ka

kabutar ke udhar anDe idhar makDi ke jale hain

'ajab andaz dekha hai zamane ne hifazat ka

mera iman hai aankhen wo andhi ho nahin saktin

sharaf paya hai jin aankhon ne rauze ki ziyarat ka

tere dar se khula hai 'ilm ka ek ek darwaza

lagae kaun andaza teri shan-e-liyaqat ka