su-e-hira ko arsh se utra wo husn-e-be-hisab

sū-e-hirā ko 'arsh se utrā vo husn-e-be-hisāb

jis kī misāl be-misāl jis kā javāb lā-javāb

fikr-e-jazā vo kyoñ kareñ jin ko ho tujh se intisāb

ham se gunāhgār bhī tere tufail bāryāb

'aql-o-ḳhirad bhī dang haiñ vahm-o-gumāñ bhī muqtasir

us kā zuhūr bhī naqāb us kā vujūd bhī ġhiyāb

us kī 'ināyatoñ kā bhī koī shumār kyā kare

jis ne hameñ 'atā kiyā saare jahān kā nisāb

ye bhī karam kī baat hai nā't-e-nabī ke baab meñ

ham ne to pesh kar diyā lafzoñ kā apne intiḳhāb

su-e-hira ko 'arsh se utra wo husn-e-be-hisab

jis ki misal be-misal jis ka jawab la-jawab

fikr-e-jaza wo kyon karen jin ko ho tujh se intisab

hum se gunahgar bhi tere tufail baryab

'aql-o-KHirad bhi dang hain wahm-o-guman bhi muqtasir

us ka zuhur bhi naqab us ka wujud bhi ghiyab

us ki 'inayaton ka bhi koi shumar kya kare

jis ne hamein 'ata kiya sare jahan ka nisab

ye bhi karam ki baat hai na't-e-nabi ke bab mein

hum ne to pesh kar diya lafzon ka apne intiKHab