سوئے حرا کو عرش سے اترا وہ حسن بے حساب

سوئے حرا کو عرش سے اترا وہ حسن بے حساب

جس کی مثال بے مثال جس کا جواب لاجواب

فکر جزا وہ کیوں کریں جن کو ہو تجھ سے انتساب

ہم سے گناہ گار بھی تیرے طفیل باریاب

عقل و خرد بھی دنگ ہیں وہم و گماں بھی مقتصر

اس کا ظہور بھی نقاب اس کا وجود بھی غیاب

اس کی عنایتوں کا بھی کوئی شمار کیا کرے

جس نے ہمیں عطا کیا سارے جہان کا نصاب

یہ بھی کرم کی بات ہے نعت نبی کے باب میں

ہم نے تو پیش کر دیا لفظوں کا اپنے انتخاب