taskin-e-ruh kalima-e-tayyab ka jam hai

taskīn-e-rūh kalima-e-tayyab kā jaam hai

bā'd-e-ḳhudā laboñ pe mohammad kā naam hai

merī bayāz-e-fikr kā ab ye maqām hai

tahrīr har varaq pe mohammad kā naam hai

ḳhushbū-e-bazm-e-zikr-e-mohammad to dekhiye

har saañs 'itr-e-vird-e-darūd-o-salām hai

rāz-o-niyāz jalvat-o-ḳhalvat kā hai subūt

mahbūb kā kalām muhib kā kalām hai

pāoge chal ke sīrat-e-hazrat pe momino

aisī hayāt jis ko baqā-e-davām hai

din ko bhī un se raushnī shab ko bhī raushnī

mahr-e-tamām bhī hai jo māh-e-tamām hai

me'rāj meñ har ek nabī ko thā iftiḳhār

apnā imaam vo hai jo sab kā imaam hai

aa.e haiñ par sameT ke rūh-ul-amīn bhī

allāh ke habīb kā ye ehtirām hai

makke madīne jaane kā kartā huuñ ehtimām

baaqī ḳhudā ke haath meñ sab intizām hai

vā'iz tire bayān kī tashrīh kyā kare

mere qalam ko nā't-e-mohammad se kaam hai

'aḳhtar' kaheñge mujh ko nakīrain dekh kar

jā-e-adab hai dekho nabī kā ġhulām hai

taskin-e-ruh kalima-e-tayyab ka jam hai

ba'd-e-KHuda labon pe mohammad ka nam hai

meri bayaz-e-fikr ka ab ye maqam hai

tahrir har waraq pe mohammad ka nam hai

KHushbu-e-bazm-e-zikr-e-mohammad to dekhiye

har sans 'itr-e-wird-e-darud-o-salam hai

raaz-o-niyaz jalwat-o-KHalwat ka hai subut

mahbub ka kalam muhib ka kalam hai

paoge chal ke sirat-e-hazrat pe momino

aisi hayat jis ko baqa-e-dawam hai

din ko bhi un se raushni shab ko bhi raushni

mahr-e-tamam bhi hai jo mah-e-tamam hai

me'raj mein har ek nabi ko tha iftiKHar

apna imam wo hai jo sab ka imam hai

aae hain par sameT ke ruh-ul-amin bhi

allah ke habib ka ye ehtiram hai

makke madine jaane ka karta hun ehtimam

baqi KHuda ke hath mein sab intizam hai

wa'iz tere bayan ki tashrih kya kare

mere qalam ko na't-e-mohammad se kaam hai

'aKHtar' kahenge mujh ko nakirain dekh kar

ja-e-adab hai dekho nabi ka ghulam hai