ye subh-o-sham ye duniya ye duniya ka nizam un ka

ye sub.h-o-shām ye duniyā ye duniyā kā nizām un kā

zamīñ se āsmāñ tak rahmatoñ kā ehtimām un kā

salīqa hī na ho gar māñgne kā to ye mumkin hai

vagarna Thokareñ khaa.e jahāñ meñ aur ġhulām un kā

zamīn-o-āsmāñ ke fāsle hadd-e-gumāñ tak haiñ

yahāñ bhī intizām un kā vahāñ bhī intizām un kā

yahāñ bhī bhejte haiñ ham darūd un par salām un par

vahāñ bhī zikr karte haiñ malā.ek sub.h-o-shām un kā

muarriḳh naam likkhā haiñ jahāñ un ke ġhulāmoñ ke

vahīñ likh de 'aqīl'-e-be-navā bhī hai ġhulām un kā

ye subh-o-sham ye duniya ye duniya ka nizam un ka

zamin se aasman tak rahmaton ka ehtimam un ka

saliqa hi na ho gar mangne ka to ye mumkin hai

wagarna Thokaren khae jahan mein aur ghulam un ka

zamin-o-asman ke fasle hadd-e-guman tak hain

yahan bhi intizam un ka wahan bhi intizam un ka

yahan bhi bhejte hain hum darud un par salam un par

wahan bhi zikr karte hain malaek subh-o-sham un ka

muarriKH nam likkha hain jahan un ke ghulamon ke

wahin likh de 'aqil'-e-be-nawa bhi hai ghulam un ka