یہ صبح و شام یہ دنیا یہ دنیا کا نظام ان کا

یہ صبح و شام یہ دنیا یہ دنیا کا نظام ان کا

زمیں سے آسماں تک رحمتوں کا اہتمام ان کا

سلیقہ ہی نہ ہو گر مانگنے کا تو یہ ممکن ہے

وگرنہ ٹھوکریں کھائے جہاں میں اور غلام ان کا

زمین و آسماں کے فاصلے حد گماں تک ہیں

یہاں بھی انتظام ان کا وہاں بھی انتظام ان کا

یہاں بھی بھیجتے ہیں ہم درود ان پر سلام ان پر

وہاں بھی ذکر کرتے ہیں ملائک صبح و شام ان کا

مؤرخ نام لکھا ہیں جہاں ان کے غلاموں کے

وہیں لکھ دے عقیلؔ بے نوا بھی ہے غلام ان کا