zaKHmi kiye adu ne mere mustafa ke hath

zaḳhmī kiye 'adū ne mire mustafā ke haath

phir bhī du'ā.eñ dete rahe vo uThā ke haath

jibrīl tum ne haath se mauqa' gañvā diyā

jaanā thā aage thāme hue mustafā ke haath

tāqat kā us kī ab koī andāza kyā kare

jis ne qamar ko toḌ diyā ho hilā ke haath

jab tak na sar kī āñkhoñ se dekhūñ dar-e-rasūl

tab tak ilāhī bāñdh de merī qazā ke haath

maqbūl bārgāh-e-rasūl-e-ḳhudā meñ hoñ

maiñ ne darūd bheje haiñ bād-e-sabā ke haath

jaane se rokegā mujhe ḳhuld-e-barīñ meñ kaun

mahshar meñ sab rahegā mire mustafā ke haath

Tikte nahīñ haiñ paañv hamāre zamīn par

aa.e haiñ un kī jaalī pe jab se lagā ke haath

dozaḳh kī aag jis ko banā degī ko.elā

us ko bhī baḳhshvā.eñge aaqā uThā ke haath

ho jaa.e kab na jaane ishāra rasūl kā

baiThā huuñ 'nūr' is liye apne uThā ke haath

zaKHmi kiye 'adu ne mere mustafa ke hath

phir bhi du'aen dete rahe wo uTha ke hath

jibril tum ne hath se mauqa' ganwa diya

jaana tha aage thame hue mustafa ke hath

taqat ka us ki ab koi andaza kya kare

jis ne qamar ko toD diya ho hila ke hath

jab tak na sar ki aankhon se dekhun dar-e-rasul

tab tak ilahi bandh de meri qaza ke hath

maqbul bargah-e-rasul-e-KHuda mein hon

main ne darud bheje hain baad-e-saba ke hath

jaane se rokega mujhe KHuld-e-barin mein kaun

mahshar mein sab rahega mere mustafa ke hath

Tikte nahin hain panw hamare zamin par

aae hain un ki jali pe jab se laga ke hath

dozaKH ki aag jis ko bana degi koela

us ko bhi baKHshwaenge aaqa uTha ke hath

ho jae kab na jaane ishaara rasul ka

baiTha hun 'nur' is liye apne uTha ke hath