ایک دن میں بالکل نہیں اٹھ پاؤں_گا
ایک دن میں اٹھوں گا
نیند میرا ایک لقمہ بنا کر
مجھے مکمل طور پر کھا چکی ہوگی
اور بستر مجھ سے جان چھڑا کر
سجدۂ شکر ادا کر چکا ہوگا
ایک دن میں اٹھوں گا
سارا منظر بدل چکا ہوگا
ہر طرف اندھیرے کی روشنی ہوگی
اور ایک نا ختم ہونے والا خلا ہوگا
ایک دن میں اٹھوں گا
میرے آس پاس کے لوگوں کو
میں لیٹا ہوا نظر آؤں گا
مجھے کچھ اور دکھائی دے رہا ہوگا
مگر میری آنکھیں نہیں ہوں گی
ایک دن میں اٹھوں گا
مجھ سے نہیں اٹھا جائے گا
زندگی
مجھے بلڈی سویلین سمجھ کر
اپنے حدود کے اندر داخل نہیں ہونے دے گی
موت نے مجھے زور سے گلے لگایا ہوگا
اور
عالم ارواح میرا پر تپاک استقبال کر چکا ہوگا
ایک دن میں بالکل نہیں اٹھ پاؤں گا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
