ہم آزادی نہیں چاہتے

قہوہ خانے میں برفانی رات کے وقت

کافی کی بھاپ سے نظریں چراتے

دو شاعر بیٹھے ہیں

ایک کے بدن پر چیتھڑا جیکٹ

اور چہرہ بادلوں میں گھرے ہوئے

سورج جیسا ہے

وہ کانپتے ہونٹوں سے کہہ رہا ہے

میں لکھنا چھوڑ چکا ہوں

جبکہ دوسرا لکھنے کی ترغیب دلا رہا ہے

قہوہ خانے کی افسردہ فضا

ان پر نظریں گاڑے بیٹھی تھی

کہ دونوں خاموشی سے اٹھ کر چلے گئے

اپنی ڈائری بھول کر

جس میں لکھا ہے

ہم آزادی نہیں چاہتے

بھوک ہمارے چہروں پر چمکتی ہے