ہمیں چپ رہنا ہوگا
ہم نہیں بات کر سکتے
اس لڑکی کے بارے میں جس کا ریپ اس لیے ہوا
کہ اس کے جسم کے خطوط لباس میں چھپنے سے انکاری تھے
ہم نہیں چیلنج کر سکتے اس فتوے کو
جس کی رو سے زمین میں زلزلے لڑکیوں کے جینز پہننے سے آتے ہیں
ہم نہیں بول سکتے ان لوگوں سے متعلق
جنہیں کچل دیا جاتا ہے محض ہزارا ہونے کی وجہ سے احمدی یا پھر بلا وجہ
ہمیں احتجاج کا حق نہیں ان کے لیے
جن کی مسیں بھیگنے سے پہلے شمالی علاقہ جات جانا پڑا
مبینہ گستاخی کے الزام میں سلاخوں کے پیچھے دھکیل دیا
یا مار دیا گیا کسی خاص شناخت پر
ہمیں بھول جانا چاہیے
تباہ ہوتی معیشت کو
مذہب کے سیاسی استعمال کو
یا بڑھتے ہوئے دفاعی بجٹ کو
ہمیں چپ رہنا ہوگا
عہدے میں ترقی کے لیے
راتوں رات امیر ہونے کے لیے
قرعہ اندازی میں ملنے والے پلاٹ کے لیے
اور سب سے پہلے تو
زندہ رہنے کے لیے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
