جھوٹ کا مول

یہ دنیا فریبوں کا میلہ ہے

ہر جگہ یہاں بنا جھمیلا ہے

فریبوں کے اس میلے کی ہر دکان پر

جھوٹ اور دھوکا بکتا ہے

میں جس جس دکان پر گئی

سچ کو ایک پرانی سی الماری میں

پڑا پایا

جب میں نے اس کا دام پوچھا

دکان دار جھٹ سے بولا

کیا کیجئے گا

اتنی سستی چیز لے کر

کب سے پڑی سڑ رہی ہے

اسے آج کل کوئی نہیں خریدتا

ایک اور جو اس نے اشارہ کیا

یہ لے جائیے یہ آج کل بہت بک رہا ہے

نظر گھما کر جو میں نے اس اور دیکھا

چمچماتا جھوٹ شیشے کی الماریوں سے

جھانک رہا تھا