din mere KHvaabo.n se ziyaada raushan nahii.n
mai.n apnaa puuraa din chaal-baaziyo.n me.n guzaar detaa huu.n
aur din kii raushnii
paa.o.n se miTTii kii tarah jhaa.D kar
raat ke saamne apne patte show kar detaa huu.n
raat ke saamne ko.ii chaalaakii nahii.n karnii chaahiye
mai.n apnii Galatiyo.n ke daa.ere nahii.n banaataa
is 'umr kii Galatiyo.n pe pachhtaavaa nahii.n karnaa chaahiye
mai.n zamiino.n aur zamaano.n se aage kii lakiire.n khii.nchtaa huu.n
jo raasto.n me.n badal jaatii hai.n
aur mai.n nikal jaataa huu.n
apne ghar se
apne baap kii nazro.n se
aur qahqaha lagaa kar guzartaa huu.n un ke saamne se
jo merii maut kii vajh bane.nge
maut se mujhe ko.ii ghabraahaT nahii.n
maut ke saamne mai.n nazme.n likhtaa huu.n
aur KHaamosh rahtaa huu.n
gar mai.n nazm-nigaar na hotaa to yaqiinan ek qaatil hotaa
din mere KHvaabo.n se ziyaada raushan nahii.n
mai.n apnaa puuraa din chaal-baaziyo.n me.n guzaar detaa huu.n
aur din kii raushnii
paa.o.n se miTTii kii tarah jhaa.D kar
raat ke saamne apne patte show kar detaa huu.n
raat ke saamne ko.ii chaalaakii nahii.n karnii chaahiye
mai.n apnii Galatiyo.n ke daa.ere nahii.n banaataa
is 'umr kii Galatiyo.n pe pachhtaavaa nahii.n karnaa chaahiye
mai.n zamiino.n aur zamaano.n se aage kii lakiire.n khii.nchtaa huu.n
jo raasto.n me.n badal jaatii hai.n
aur mai.n nikal jaataa huu.n
apne ghar se
apne baap kii nazro.n se
aur qahqaha lagaa kar guzartaa huu.n un ke saamne se
jo merii maut kii vajh bane.nge
maut se mujhe ko.ii ghabraahaT nahii.n
maut ke saamne mai.n nazme.n likhtaa huu.n
aur KHaamosh rahtaa huu.n
gar mai.n nazm-nigaar na hotaa to yaqiinan ek qaatil hotaa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
