octopus

mere paas dosto.n kii lambii chau.Dii qataar nahii.n

aur agar sach kahuu.n to is kii zaruurat bhii nahii.n

sirf chand haath hai.n jo bure vaqt me.n mere aa.nsuu po.nchhte hai.n

aur achchhe vaqt me.n mai.n unhe.n chuum letaa huu.n

zinda rahne ko is se sivaa kyaa chaahiye

meraa chhoTaa saa ghar TuuTtii ju.Dtii chiizo.n kaa mutahammil nahii.n

do chaar puraanii kitaabe.n kuchh KHvaab

aur chamaktii hu.ii do aa.nkhe.n jo KHvaabo.n kii tarah laa-mutanaahii hai.n

mujhe kaafii hai.n

din me.n kitaab pa.Dhtaa huu.n aur raat me.n KHvaab dekhtaa huu.n

in aa.nkho.n ke KHvaab

jo khulii kitaab aur chashme ke paanii kii tarah shaffaaf hote hu.e bhii behad gahrii hai.n

maut un ke saamne hech lagtii hai

mai.n zindagii se octopus kii tarah chimTe rahnaa chaahtaa huu.n

mere paas dosto.n kii lambii chau.Dii qataar nahii.n

aur agar sach kahuu.n to is kii zaruurat bhii nahii.n

sirf chand haath hai.n jo bure vaqt me.n mere aa.nsuu po.nchhte hai.n

aur achchhe vaqt me.n mai.n unhe.n chuum letaa huu.n

zinda rahne ko is se sivaa kyaa chaahiye

meraa chhoTaa saa ghar TuuTtii ju.Dtii chiizo.n kaa mutahammil nahii.n

do chaar puraanii kitaabe.n kuchh KHvaab

aur chamaktii hu.ii do aa.nkhe.n jo KHvaabo.n kii tarah laa-mutanaahii hai.n

mujhe kaafii hai.n

din me.n kitaab pa.Dhtaa huu.n aur raat me.n KHvaab dekhtaa huu.n

in aa.nkho.n ke KHvaab

jo khulii kitaab aur chashme ke paanii kii tarah shaffaaf hote hu.e bhii behad gahrii hai.n

maut un ke saamne hech lagtii hai

mai.n zindagii se octopus kii tarah chimTe rahnaa chaahtaa huu.n