chaaliswan din

purānī baat hai

lekin ye anhonī sī lagtī hai

ajab vo vaqt thā

chāroñ taraf jismoñ kī daldal thī

barahna mard vazn

retīle sāhil par paḌe

ik dūsre ko chūmte rahe

kisī lab par na thī hamd-o-sanā

aur uñgliyāñ

tasbīh ke dānoñ ko sa.ī-e-rā.egāñ gintīñ

ḳhudā barham huā

us ne samundar kī tahoñ meñ aag raushan kī

samundar khaul kar laavā banā

aur sāhiloñ ko kaaT kar niklā

har ik jānib samundar hī samundar thā

koī aadam na ādam-zād baaqī thā

bas ik kashtī thī sat.h-e-āb par

jis ko koī sāhil na miltā thā

vo din chālīsvāñ thā

jab ḳhudā ne mehrbānī kī

samundar ko sameTā

sāhiloñ kī ret chamkā.ī

vo pahlī sub.h thī

jab sab ke hoñToñ par

ḳhudā kī hamd thī

tasbīh ke daane chamakte the

purani baat hai

lekin ye anhoni si lagti hai

ajab wo waqt tha

chaaron taraf jismon ki daldal thi

barahna mard wazn

retile sahil par paDe

ek dusre ko chumte rahe

kisi lab par na thi hamd-o-sana

aur ungliyan

tasbih ke danon ko sai-e-raegan gintin

KHuda barham hua

us ne samundar ki tahon mein aag raushan ki

samundar khaul kar lawa bana

aur sahilon ko kaT kar nikla

har ek jaanib samundar hi samundar tha

koi aadam na aadam-zad baqi tha

bas ek kashti thi sath-e-ab par

jis ko koi sahil na milta tha

wo din chaaliswan tha

jab KHuda ne mehrbani ki

samundar ko sameTa

sahilon ki ret chamkai

wo pahli subh thi

jab sab ke honTon par

KHuda ki hamd thi

tasbih ke dane chamakte the