chaaliswan din

Zubair Rizvi

chaaliswan din

Zubair Rizvi

MORE BYZubair Rizvi

    purānī baat hai

    lekin ye anhonī lagtī hai

    ajab vo vaqt thā

    chāroñ taraf jismoñ daldal thī

    barahna mard vazn

    retīle sāhil par paḌe

    ik dūsre ko chūmte rahe

    kisī lab par na thī hamd-o-sanā

    aur uñgliyāñ

    tasbīh ke dānoñ ko sa.ī-e-rā.egāñ gintīñ

    ḳhudā barham huā

    us ne samundar tahoñ meñ aag raushan

    samundar khaul kar laavā banā

    aur sāhiloñ ko kaaT kar niklā

    har ik jānib samundar samundar thā

    koī aadam na ādam-zād baaqī thā

    bas ik kashtī thī sat.h-e-āb par

    jis ko koī sāhil na miltā thā

    vo din chālīsvāñ thā

    jab ḳhudā ne mehrbānī

    samundar ko sameTā

    sāhiloñ ret chamkā.ī

    vo pahlī sub.h thī

    jab sab ke hoñToñ par

    ḳhudā hamd thī

    tasbīh ke daane chamakte the

    purani baat hai

    lekin ye anhoni si lagti hai

    ajab wo waqt tha

    chaaron taraf jismon ki daldal thi

    barahna mard wazn

    retile sahil par paDe

    ek dusre ko chumte rahe

    kisi lab par na thi hamd-o-sana

    aur ungliyan

    tasbih ke danon ko sai-e-raegan gintin

    KHuda barham hua

    us ne samundar ki tahon mein aag raushan ki

    samundar khaul kar lawa bana

    aur sahilon ko kaT kar nikla

    har ek jaanib samundar hi samundar tha

    koi aadam na aadam-zad baqi tha

    bas ek kashti thi sath-e-ab par

    jis ko koi sahil na milta tha

    wo din chaaliswan tha

    jab KHuda ne mehrbani ki

    samundar ko sameTa

    sahilon ki ret chamkai

    wo pahli subh thi

    jab sab ke honTon par

    KHuda ki hamd thi

    tasbih ke dane chamakte the

    Source:

    • Book : purani baat hai (Pg. 35)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY