15 august (1949)

Arsh Malsiyani

15 august (1949)

Arsh Malsiyani

MORE BYArsh Malsiyani

    jab ḳhurshīd-e-āzādī phūTī thī kiran vo din aayā

    chamke the ziyā-e-ḳhās se jab kohsār-o-daman vo din aayā

    jab qaid-e-qafas se chhūTe the murġhān-e-chaman vo din aayā

    be-teġh-o-sināñ jab badlī thī taqdīr-e-vatan vo din aayā

    hañgām-e-tarab hai ahl-e-vatan hañgām-e-tarab hai ġham na karo

    āhista-ravī manzil hai manzil yūñhī mātam na karo

    bīmār-e-vatan ne paa.ī hai mushkil se davā-e-āzādī

    kānoñ ko sunā.ī detī hai har samt nidā-e-āzādī

    har ḳhurd-o-kalāñ har pīr-o-javāñ hai aaj nidā-e-āzādī

    ye koshish sab par lāzim hai daa.im ho baqā-e-āzādī

    āzādī-e-nau-maulūd ko ab parvān chaḌhāo to jāneñ

    mushkil hai baḌī is mushkil ko āsān banāo to jāneñ

    aġhyār ta.alīmāt pe to sar dhunnā kār-e-tiflāñ hai

    āvāra-mizājī ke sadqe āvāra-mizājī āsāñ hai

    rah-e-pur-ḳhār-e-amal meñ jo pā-mard rahe vo insāñ hai

    sāhil se use kuchh kaam nahīñ jo vāqif-e-ishrat-e-tūfāñ hai

    is yaum-e-mubārak par mil kar jai hind pukāro ahl-e-vatan

    jo jazba-e-ḳhidmat sust hai ab phir us ko ubhāro ahl-e-vatan

    jab KHurshid-e-azadi ki phuTi thi kiran wo din aaya

    chamke the ziya-e-KHas se jab kohsar-o-daman wo din aaya

    jab qaid-e-qafas se chhuTe the murghan-e-chaman wo din aaya

    be-tegh-o-sinan jab badli thi taqdir-e-watan wo din aaya

    hangam-e-tarab hai ahl-e-watan hangam-e-tarab hai gham na karo

    aahista-rawi hi manzil hai manzil ka yunhi matam na karo

    bimar-e-watan ne pai hai mushkil se dawa-e-azadi

    kanon ko sunai deti hai har samt nida-e-azadi

    har KHurd-o-kalan har pir-o-jawan hai aaj nida-e-azadi

    ye koshish sab par lazim hai daim ho baqa-e-azadi

    aazadi-e-nau-maulud ko ab parwan chaDhao to jaanen

    mushkil hai baDi is mushkil ko aasan banao to jaanen

    aghyar ki talimat pe to sar dhunna kar-e-tiflan hai

    aawara-mizaji ke sadqe aawara-mizaji aasan hai

    rah-e-pur-KHar-e-amal mein jo pa-mard rahe wo insan hai

    sahil se use kuchh kaam nahin jo waqif-e-ishrat-e-tufan hai

    is yaum-e-mubarak par mil kar jai hind pukaro ahl-e-watan

    jo jazba-e-KHidmat sust hai ab phir us ko ubhaaro ahl-e-watan

    Source :
    • Book : Kulliyat-e-Arsh (Pg. 417)
    • Author : Arsh Malsiyani
    • Publication : Ali Hujwiri Publisher H. 811, A Androon, Akbari Gate, Lahore
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY