haji-baba

Zubair Rizvi

haji-baba

Zubair Rizvi

MORE BYZubair Rizvi

    purānī baat hai

    lekin ye anhonī lagtī hai

    sunā hai jab kabhī shahr-e-sabā ke hājī-bābā

    apne shāgirdoñ ko dars-e-āḳhirī dete

    saroñ par un ke dastār-e-fazīlat bāñdhte

    kaale amāmoñ meñ sab shāgird saf-basta khaḌe

    ye ahd karte the

    ḳhudāvandā

    hamāre ilm meñ to ḳhair-o-barkat de

    hameñ taufīq de ham hājī-bābā tarah

    shahr-e-sabā ke chaar konoñ meñ na.e maktab banā.eñ

    dars-gāhoñ binā Dāleñ

    sunā hai hājī-bābā

    apne shāgirdoñ ko chaar hissoñ meñ jab taqsīm karte to

    zamīñ ke chaar konoñ se sadā-e-marhabā aatī

    har ik

    mushk ḳhushbū fazā meñ phail jaatī

    bahut din ba.ad phir aisā huā thā hājī-bābā ne

    zamīñ ke chaar konoñ se dhuāñ uThte hue dekhā

    jale harfoñ ruuh mātam-kunāñ

    shahr-e-sabā meñ muddatoñ phirtī rahī tanhā

    sunā hai phir kabhī

    shahr-e-sabā ke hājī-bābā ne dar-e-maktab nahīñ kholā

    kisī par koī kaalā amāma phir nahīñ bāñdhā

    purani baat hai

    lekin ye anhoni si lagti hai

    suna hai jab kabhi shahr-e-saba ke haji-baba

    apne shagirdon ko dars-e-aKHiri dete

    saron par un ke dastar-e-fazilat bandhte

    kale amamon mein sab hi shagird saf-basta khaDe

    ye ahd karte the

    KHudawanda

    hamare ilm mein to KHair-o-barkat de

    hamein taufiq de hum haji-baba ki tarah

    shahr-e-saba ke chaar konon mein nae maktab banaen

    dars-gahon ki bina Dalen

    suna hai haji-baba

    apne shagirdon ko chaar hisson mein jab taqsim karte to

    zamin ke chaar konon se sada-e-marhaba aati

    har ek su

    mushk ki KHushbu faza mein phail si jati

    bahut din baad phir aisa hua tha haji-baba ne

    zamin ke chaar konon se dhuan uThte hue dekha

    jale harfon ki ruh matam-kunan

    shahr-e-saba mein muddaton phirti rahi tanha

    suna hai phir kabhi

    shahr-e-saba ke haji-baba ne dar-e-maktab nahin khola

    kisi par koi kala amama phir nahin bandha

    Source:

    • Book : Sang-ge-Sada (Pg. 80)
    • Author : Zubair Razvi
    • Publication : Zehne Jadid, New Delhi (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY