aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

26 january

Sahir Ludhianvi

26 january

Sahir Ludhianvi

MORE BYSahir Ludhianvi

    aao ki aaj ġhaur kareñ is savāl par

    dekhe the ham ne jo vo hasīñ ḳhvāb kyā hue

    daulat baḌhī to mulk meñ aflās kyuuñ baḌhā

    ḳhush-hālī-e-avām ke asbāb kyā hue

    jo apne saath saath chale ku-e-dār tak

    vo dost vo rafīq vo ahbāb kyā hue

    kyā mol lag rahā hai shahīdoñ ke ḳhuun

    marte the jin pe ham vo sazā-yāb kyā hue

    be-kas barahnagī ko kafan tak nahīñ nasīb

    vo va.ada-hā-e-atlas-o-kim-ḳhvāb kyā hue

    jamhūriyat-navāz bashar-dost amn-ḳhvāh

    ḳhud ko jo ḳhud diye the vo alqāb kyā hue

    maz.hab rog aaj bhī kyuuñ lā-ilāj hai

    vo nusḳha-hā-e-nādir-o-nāyāb kyā hue

    har kūcha sho.ala-zār hai har shahr qatl-gāh

    yak-jahti-e-hayāt ke ādāb kyā hue

    sahrā-e-tīrgī meñ bhaTaktī hai zindagī

    ubhre the jo ufuq pe vo mahtāb kyā hue

    mujrim huuñ maiñ agar to gunahgār tum bhī ho

    ai rahbarān-e-qaum ḳhatā-kār tum bhī ho

    aao ki aaj ghaur karen is sawal par

    dekhe the hum ne jo wo hasin KHwab kya hue

    daulat baDhi to mulk mein aflas kyun baDha

    KHush-haali-e-awam ke asbab kya hue

    jo apne sath sath chale ku-e-dar tak

    wo dost wo rafiq wo ahbab kya hue

    kya mol lag raha hai shahidon ke KHun ka

    marte the jin pe hum wo saza-yab kya hue

    be-kas barahnagi ko kafan tak nahin nasib

    wo wada-ha-e-atlas-o-kim-KHwab kya hue

    jamhuriyat-nawaz bashar-dost amn-KHwah

    KHud ko jo KHud diye the wo alqab kya hue

    mazhab ka rog aaj bhi kyun la-ilaj hai

    wo nusKHa-ha-e-nadir-o-nayab kya hue

    har kucha shoala-zar hai har shahr qatl-gah

    yak-jahti-e-hayat ke aadab kya hue

    sahra-e-tirgi mein bhaTakti hai zindagi

    ubhre the jo ufuq pe wo mahtab kya hue

    mujrim hun main agar to gunahgar tum bhi ho

    ai rahbaran-e-qaum KHata-kar tum bhi ho

    RECITATIONS

    Nomaan Shauque

    Nomaan Shauque,

    Nomaan Shauque

    26 January - Sahir Ludhianvi Nomaan Shauque

    Source:

    Kulliyat-e-Sahir (Pg. 216)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now