ہاتھی کان گلا ہے جس کا
استر ادھڑا دامن کھسکا
آخر تم کیا دو گے اس کا
اتنے کم سلوائی دے دو
پانچ نہیں تو ڈھائی دے دو
فی سلوٹ نو پائی دے دو
یہ لو گھنڈی کیسے والا
آگے پیچھے گڑبڑ جھالا
جاہل ہے نا ہندی کالا
بڈھا تو کیا سوچ رہا ہے
مونچھوں کو کیوں نوچ رہا ہے
شاید جاڑا کوچ رہا ہے
آ سردی سے پنڈ کٹا لے
کوئی اونی کوٹ چکا لے
اس دن کو بھگوان اٹھا لے
جس دن یہ پہناوا چھوڑوں
جنم کے ساتھی سے منہ موڑوں
ناسمجھوں سے کیا سر پھوڑوں
رسی جس تہذیب کی ڈھیلی
بوتل ہو جس چاک میں گیلی
سب جلتی ہے سوکھی گیلی
یہ جس کی بھی اترن ہوگی
یا بھنگن یا کنچن ہوگی
بیوہ بانجھ گرھستن ہوگی
جرمن عورت کا ہر دامن
جب جھٹکا کھائے کا کندن
بلکیں گے بے گنتی جیون
میری یہ کھدر کی پنڈی
اون سے اونچی روئی کی منڈی
ان کوٹوں کو کالی جھنڈی
مأخذ:
Muntakhab Nazmen (Pg. 11)
- مصنف: idarah adab lateef
-
- اشاعت: 1945
- ناشر: Maktaba Urdu lahore
- سن اشاعت: 1945
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
