آدمی کا انساں ہونا
صدیاں قطار در قطار کھڑی ہیں
اپنی جگہ ساکت و جامد
بڑے تجسس سے دیکھتی ہیں
ایک دوسرے سے باتیں کرتی ہیں
اسی ایک مسئلے پر
جسے حل نہ کر پانے کا افسوس ہے
پیشانی پہ بنتی بگڑتی
لکیروں کی شکل میں نمایاں ہے
جسے حل کرنے کے لئے اللہ نے
کتنے ہی نبی اور اوتار زمین پر بھیجے
انھوں نے اپنے کلام سے اس زمیں کو سرفراز کیا
وقت گزرتا رہا گزرتا رہا گزرتا رہا
مگر مسئلہ ویسے کا ویسا ہی ہے اب بھی
بالکل پہلے کی طرح
بلکہ پہلے سے بھی زیادہ خوفناک شکل میں
وہی مسئلہ
آدمی کے انسان بننے کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
