aag ke pas

Noon Meem Rashid

aag ke pas

Noon Meem Rashid

MORE BYNoon Meem Rashid

    pīr-e-vāmāñda koī

    coat pe mehnat siyāhī ke nishāñ

    naujavāñ beTe gardan chamak dekhtā huuñ

    ik raqābat siyah lahr bahut tez

    mire sīna-e-sozāñ se guzar jaatī hai

    jis tarah taaq pe rakkhe hue gul-dāñ

    mas-o-sīm ke kāsoñ chamak

    aur gulū uljhe hue tāroñ se bhar jaatā hai

    ko.ele aag meñ jalte hue

    kin yādoñ kis raat meñ

    jal jaate haiñ

    kyā inhī kānoñ yādoñ meñ jahāñ

    sālhā-sāl ye āsūda rahe

    unhī be-āb daraḳhtoñ ke vo jañgal

    jinheñ pīrāna-sarī baar huī jaatī thī

    ko.ele lākhoñ baras daur ke ḳhvāboñ meñ ulajh jaate haiñ

    aaj shab bhī vo baḌī der se

    ghar lauTā hai

    us ke alfāz ko

    in rañgoñ se āvāzoñ se kyā rabt

    jo is ġham-zada ghar ke ḳhas-o-ḳhāshāk meñ haiñ

    us ko is mez par bikhrī huī

    ḳhushbuoñ ke jañgal se ġharaz

    aaj bhī apne aqīde pe ba-dastūr

    ba-zid qaa.em hai

    vo daraḳhtoñ ke tanomand tane

    apne ā.inda ke ḳhvāboñ meñ asiir

    gard-bād aa ga.e

    un rihā.ī vasīla ban kar

    ḳhud se mahjūrī-e-nāgāh hiila ban kar

    aa.e aur chal bhī diye

    tūl-e-alamnāk dahlīz pe

    ruḳhsat kah kar

    aur vo lākhoñ baras soch meñ

    ā.inda ke mauhūm meñ ḳhvābīda rahe

    mere beTe tujhe kuchh yaad bhī hai

    maiñ ne bhī shor machāyā thā kabhī

    ḳhaak ke bigḌe hue chehre ke ḳhilāf

    lahn be-rañg huā sun ke

    mirī jaañ bhī pukār uThī thī

    maiñ kabhī ek anā aur kabhī do sahārā letā

    apnī sāthī se maiñ kah uThtā ki jaago ai jaan

    harānā tīra-bayābāñ meñ

    bhaTakte hue pattoñ hujūm

    merā Dar mujh ko nigal jā.egā

    mere kānoñ meñ mire karb āvāz

    palaT aatī thī

    tujhe be-kār ḳhudāoñ pe yaqīñ

    ab bhī nahīñ

    ab bhī nahīñ

    aaj bhī apne ilhād kursī meñ

    paḌā ūñghtā huuñ

    naujavāñ beTe ke alfāz pe chauñk uThtā huuñ

    ne beTe

    ye ajab ḳhvāb sunāyā hai mujhe

    apnā ye ḳhvāb kisī aur se hargiz na kaho

    kabhī āhista se darvāza jo khultā hai to hañs detā huuñ

    ye bhī is baat sarsar

    na.ī chaal nayā dhokā hai

    phuul pariyāñ banāne koī nusḳha

    mire paas nahīñ hai beTe

    mujhe fardāoñ ke sahrā se bhī

    afsūn-e-rivāyat lahak aatī hai

    aag meñ ko.ele bujhne tamannā na karo

    in se ā.inda ke miTte hue āsār

    ubhar ā.eñge

    in guzarte hue lamhāt tanhā.ī meñ

    kaisā ye ḳhvāb sunāyā hai mujhe ne abhī

    nahīñ har ek se

    har ek se ye ḳhvāb kaho

    is se jaag uThtā hai

    soyā huā majzūb

    mirī aag ke paas

    aise majzūb ko ik ḳhvāb bahut

    ḳhvāb bahut ḳhvāb bahut

    aise har mast ko

    ik ḳhvāb bahut

    pir-e-wamanda koi

    coat pe mehnat ki siyahi ke nishan

    naujawan beTe ki gardan ki chamak dekhta hun

    ek raqabat ki siyah lahr bahut tez

    mere sina-e-sozan se guzar jati hai

    jis tarah taq pe rakkhe hue gul-dan ki

    mas-o-sim ke kason ki chamak

    aur gulu uljhe hue taron se bhar jata hai

    koele aag mein jalte hue

    kin yaadon ki kis raat mein

    jal jate hain

    kya inhi kanon ki yaadon mein jahan

    salha-sal ye aasuda rahe

    unhi be-ab daraKHton ke wo jangal

    jinhen pirana-sari bar hui jati thi

    koele lakhon baras daur ke KHwabon mein ulajh jate hain

    aaj shab bhi wo baDi der se

    ghar lauTa hai

    us ke alfaz ko

    in rangon se aawazon se kya rabt

    jo is gham-zada ghar ke KHas-o-KHashak mein hain

    us ko is mez par bikhri hui

    KHushbuon ke jangal se gharaz

    aaj bhi apne aqide pe ba-dastur

    ba-zid qaem hai

    wo daraKHton ke tanomand tane

    apne aainda ke KHwabon mein asir

    gard-baad aa hi gae

    un ki rihai ka wasila ban kar

    KHud se mahjuri-e-nagah ka hila ban kar

    aae aur chal bhi diye

    tul-e-alamnak ki dahliz pe

    ruKHsat kah kar

    aur wo lakhon baras soch mein

    aainda ke mauhum mein KHwabida rahe

    mere beTe tujhe kuchh yaad bhi hai

    main ne bhi shor machaya tha kabhi

    KHak ke bigDe hue chehre ke KHilaf

    lahn be-rang hua sun ke

    meri jaan bhi pukar uThi thi

    main kabhi ek ana aur kabhi do ka sahaara leta

    apni sathi se main kah uThta ki jago ai jaan

    harana tira-bayaban mein

    bhaTakte hue patton ka hujum

    mera Dar mujh ko nigal jaega

    mere kanon mein mere karb ki aawaz

    palaT aati thi

    tujhe be-kar KHudaon pe yaqin

    ab bhi nahin

    ab bhi nahin

    aaj bhi apne hi ilhad ki kursi mein

    paDa unghta hun

    naujawan beTe ke alfaz pe chaunk uThta hun

    tu ne beTe

    ye ajab KHwab sunaya hai mujhe

    apna ye KHwab kisi aur se hargiz na kaho

    kabhi aahista se darwaza jo khulta hai to hans deta hun

    ye bhi is baat ki sarsar ki

    nai chaal naya dhoka hai

    phul ya pariyan banane ka koi nusKHa

    mere pas nahin hai beTe

    mujhe fardaon ke sahra se bhi

    afsun-e-riwayat ki lahak aati hai

    aag mein koele bujhne ki tamanna na karo

    in se aainda ke miTte hue aasar

    ubhar aaenge

    in guzarte hue lamhat ki tanhai mein

    kaisa ye KHwab sunaya hai mujhe tu ne abhi

    nahin har ek se

    har ek se ye KHwab kaho

    is se jag uThta hai

    soya hua majzub

    meri aag ke pas

    aise majzub ko ek KHwab bahut

    KHwab bahut KHwab bahut

    aise har mast ko

    ek KHwab bahut

    Source :
    • Book : Kulliat-e-Rashid (Pg. 408)
    • Author : Noon Meem Rashid
    • Publication : Kitabi Duniya, Delhi-6 (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY