aaj ki raat

Hafeez Hoshiarpuri

aaj ki raat

Hafeez Hoshiarpuri

MORE BYHafeez Hoshiarpuri

    chāñdnī raat hai javānī par

    dast-e-gardūñ meñ sāġhar-e-mahtāb

    nuur ban ban ke chhan rahī hai sharāb

    sāqī-e-āsmāñ piyāla-ba-dast

    maiñ sharāb-e-surūr se sarmast

    fikr-e-dozaḳh na zikr-e-jannat hai

    maiñ huuñ aur terī pyārī sūrat hai

    ras-bhare hoñT mad-bharī āñkheñ!

    kaun fardā pe e'tibār kare

    kaun jannat intizār kare

    jaane kab maut payām aa.e

    ye masarrat bhī ham se chhin jaa.e

    dāman-e-aql chaak hone de

    aaj ye qissa paak hone de

    ġham ko nā-pā.edār kar deñ ham

    maut ko sharmsār kar deñ ham

    lab se lab yuuñ mileñ ki kho jaa.eñ

    jazb ik dūsre meñ ho jaa.eñ

    maiñ rahūñ aur na rahe bāqī!

    kis qadar dil-nashīñ haiñ lab tere

    bāda-e-ahmarīñ haiñ lab tere

    tere hoñToñ ras nahīñ hai ye

    āb-e-kausar hai añgbīñ hai ye

    shahad ke ghūñT rahā huuñ maiñ

    aaj raat rahā huuñ maiñ

    aaj raat phir na ā.egī!

    chandni raat hai jawani par

    dast-e-gardun mein saghar-e-mahtab

    nur ban ban ke chhan rahi hai sharab

    saqi-e-asman piyala-ba-dast

    main sharab-e-surur se sarmast

    fikr-e-dozaKH na zikr-e-jannat hai

    main hun aur teri pyari surat hai

    ras-bhare honT mad-bhari aankhen!

    kaun farda pe e'tibar kare

    kaun jannat ka intizar kare

    jaane kab maut ka payam aae

    ye masarrat bhi hum se chhin jae

    daman-e-aql chaak hone de

    aaj ye qissa pak hone de

    gham ko na-paedar kar den hum

    maut ko sharmsar kar den hum

    lab se lab yun milen ki kho jaen

    jazb ek dusre mein ho jaen

    main rahun aur na tu rahe baqi!

    kis qadar dil-nashin hain lab tere

    baada-e-ahmarin hain lab tere

    tere honTon ka ras nahin hai ye

    aab-e-kausar hai angbin hai ye

    shahad ke ghunT pi raha hun main

    aaj ki raat ji raha hun main

    aaj ki raat phir na aaegi!

    Source :
    • Book : meri behtareen nazam (Pg. 56)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY