آخر ایسا کیوں ہے پاپا
آخر ایسا کیوں ہے پاپا
میرے شہر کلکتہ میں
مرغی نہیں مرغی ہٹے میں
کولہو نہیں کولہو ٹولے میں
مالا نہیں مالا پاڑے میں
بیلا نہیں بلیا گھاٹے میں
آخر ایسا کیوں ہے پاپا
میرے شہر کلکتہ میں
چونا گلی میں چونا کب ہے
شیشہ گلی میں شیشہ کب ہے
چھاتا گلی میں چھاتا کب ہے
بکسا گلی میں بکسا کب ہے
آخر ایسا کیوں ہے پاپا
میرے شہر کلکتہ میں
بھشتی نہیں بھشتی پاڑے میں
موچی نہیں موچی پاڑے میں
حاجی نہیں حاجی پاڑے میں
قاضی نہیں قاضی پاڑے میں
آخر ایسا کیوں ہے پاپا
میرے شہر کلکتہ میں
تال نہیں ہے تال تلے میں
نیم نہیں ہے نیم تلے میں
جھاؤ نہیں ہے جھاؤ تلے میں
بانس نہیں ہے بانس تلے میں
آخر ایسا کیوں ہے پاپا
میرے شہر کلکتہ میں
حیرت سے جب میں نے پوچھا
بس اتنا ہی بولے پاپا
آج نہیں ہے لیکن بیٹا
برسوں پہلے ہوتا ہوگا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
