aap ek ishtial-angez shair hain

ehtajājī muzāhire ke daurān

idhar udhar bhāgte hue

logoñ ke beach saḌak par phaTne vaale

aañsū gas ke shel kī tarah

aap kī nazmeñ paḌhte hue

āñkhoñ meñ jalan hone lagtī hai

gale meñ ḳharāsheñ paḌ jaatī haiñ

naak se be-tahāshā paanī bahne lagtā hai

bhāgne vaale logoñ kī tarah

dil bahut zor se dhaḌakne lagtā hai

apnī hāliya nazmoñ meñ

sīvrej pipe ke saath

chalne vaalī ḳhud-rav beloñ ke bajā.e

aap gande paanī kā zikr kar rahe haiñ

railway line ke aas paas

khilne vaale phūloñ ke bajā.e express train par

nā-mālūm dākuoñ kī firing kā zikr

ḳhatre kī alāmat hai

aur kolhī auratoñ ke ḳhilāf police operation kī baat to

intihā.ī pareshān-kun hai

world-cup kī ḳhushī meñ

havā.ī firing se halāk hone vaalī

aurat kī maut mahz ittifāqiya thī

aap us kī yaad meñ na.re-bāzī na kareñ

qā.ed-e-hazb-e-iḳhtilāf kī tarah

aap ko hamārī har policy se iḳhtilāf hai

aap ke liye hamārā har ā.īnī qadam ġhair ā.īnī hai

aur hamārī har peshkash qubūl

aap ko hamārī har baat par ġhussa aatā hai

aur hameñ ḳhair chhoḌeñ

aap kī na.ī nazm kā har lafz

kirā.e ke gorīloñ kī bandūqoñ se

nikalne vaalī goliyoñ kī tarah hai

ham aap ko ek sazā-yāfta dahshat banā sakte haiñ

yā ek ġhair-mulkī agnet qarār de sakte haiñ

aap ġhaddār bhī ho sakte haiñ

magar filhāl hamāre liye

aap ek ishti.āl-añgez shā.ir haiñ

ehtajaji muzahire ke dauran

idhar udhar bhagte hue

logon ke beach saDak par phaTne wale

aansu gas ke shel ki tarah

aap ki nazmen paDhte hue

aankhon mein jalan hone lagti hai

gale mein KHarashen paD jati hain

nak se be-tahasha pani bahne lagta hai

bhagne wale logon ki tarah

dil bahut zor se dhaDakne lagta hai

apni haaliya nazmon mein

siwrej pipe ke sath

chalne wali KHud-raw belon ke bajae

aap gande pani ka zikr kar rahe hain

railway line ke aas pas

khilne wale phulon ke bajae express train par

na-malum dakuon ki firing ka zikr

KHatre ki alamat hai

aur kolhi auraton ke KHilaf police operation ki baat to

intihai pareshan-kun hai

world-cup ki KHushi mein

hawai firing se halak hone wali

aurat ki maut mahz ittifaqiya thi

aap us ki yaad mein nare-bazi na karen

qaed-e-hazb-e-iKHtilaf ki tarah

aap ko hamari har policy se iKHtilaf hai

aap ke liye hamara har aaini qadam ghair aaini hai

aur hamari har peshkash qubul

aap ko hamari har baat par ghussa aata hai

aur hamein KHair chhoDen

aap ki nai nazm ka har lafz

kirae ke gorilon ki banduqon se

nikalne wali goliyon ki tarah hai

hum aap ko ek saza-yafta dahshat bana sakte hain

ya ek ghair-mulki agnet qarar de sakte hain

aap ghaddar bhi ho sakte hain

magar filhaal hamare liye

aap ek ishtial-angez shair hain