آپ کو بھولنے کی عادت ہے
آپ کو بھولنے کی عادت ہے
یہ رویہ بڑا ہی مثبت ہے
وہ جو اکثر ہی بھول جاتا ہے
بھول جاتا ہے غم سے ناطہ ہے
بھول جانے کی یہ جو کثرت ہے
یہ رویہ بڑا ہی مثبت ہے
ایک کل تھا کہ جو گزر بھی گیا
ایک کل ہے ابھی نہیں آیا
آج میں جینے پہ جو قدرت ہے
یہ رویہ بڑا ہی مثبت ہے
جو برا وقت پیچھے گزرا ہو
وہ تو ماضی کا ایک حصہ ہے
جو کہے آج ہی حقیقت ہے
یہ رویہ بڑا ہی مثبت ہے
غم تو اس زندگی کا حصہ ہیں
آپ کا میرا سب کا قصہ ہیں
غم میں رونا تو سب کی فطرت ہے
یہ رویہ بڑا ہی مثبت ہے
جب اکیلے ہوں خود سے بات کریں
اپنی تنہائی کا نہ رنج کریں
گر یہ سمجھیں کہ یہ غنیمت ہے
یہ رویہ بڑا ہی مثبت ہے
وقت کو وقت سے چرا لینا
خود سے خود کو کبھی ملا لینا
قیمتی بس وہی تو ساعت ہے
یہ رویہ بڑا ہی مثبت ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.