آتش کدہ

عذاب کی سب رتیں سلامت

گلاب پوروں کو چھیلتے ہو

تو پنکھڑی کو بھی خار جانو

محبتیں اور نفرتیں سب تمہارا حق ہیں

ہمارے ملنے سے فرقتوں تک

تمام بے خواب ساعتوں میں

چٹختے ہونٹھوں سلگتے جسموں کو

تشنگی کا خراج دیتے ہوئے زمانے گزر چکے ہیں

ہم اپنے سینوں میں اپنے آتش کدے جلا کر

یوں اپنے جسموں کو کب تلک پوجتے رہیں گے

کہیں چناروں پہ برف گرنے سے

اگلے موسم میں ان کی رنگت بدل سکی ہے

لہو تو آواز مانگتا ہے

بدن تو اظہار چاہتا ہے