aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aawara-gard lamhe

Chandrabhan Khayal

aawara-gard lamhe

Chandrabhan Khayal

MORE BYChandrabhan Khayal

    āvāra-gard lamhe yuuñ be-qarār bhaTkeñ

    jaise parind pyāse dīvāna-vār bhaTkeñ

    be-jān-o-be-takallum ik aarzū hai tanhā

    jañgal meñ jaise koī vīrān imārat

    bastī se duur jaise ḳhāmoshiyoñ parbat

    taane khaḌā ho ḳhud ko jāmid sadī sūrat

    ehsās apnī lau par yuuñ tamtamā.e jaise

    sho.aloñ pe chal rahā ho ik be-libās jogī

    kahtī hai aql ham ko jalvat-pasand rogī

    kyā sādhūoñ meñ aisī jvālā jagī na hogī

    aksar sameTte haiñ bikhre hue junūñ ko

    ham log aaj bhī haiñ kis darja nā-mukammal

    shaitāñ sifat sharāre oḌhe dhueñ ke kambal

    doshīzgī ġham ko jhulsā.eñ jab musalsal

    chiñghāḌtī haiñ sāñseñ sīnoñ meñ be-tahāshā

    jaise aziim insāñ pāmāl ho gayā ho

    jaise har ek luT kar kañgāl ho gayā ho

    ik muḳhtasar pal bhī sad saal ho gayā ho

    ajgar guphā meñ leTā shīrīniyāñ chabā.e

    aur ham ye sūkhe patte ab tak baTorte haiñ

    aawara-gard lamhe yun be-qarar bhaTken

    jaise parind pyase diwana-war bhaTken

    be-jaan-o-be-takallum ek aarzu hai tanha

    jangal mein jaise koi viran si imarat

    basti se dur jaise KHamoshiyon ka parbat

    tane khaDa ho KHud ko jamid sadi ki surat

    ehsas apni lau par yun tamtamae jaise

    shoalon pe chal raha ho ek be-libas jogi

    kahti hai aql hum ko jalwat-pasand rogi

    kya sadhuon mein aisi jwala jagi na hogi

    aksar sameTte hain bikhre hue junun ko

    hum log aaj bhi hain kis darja na-mukammal

    shaitan sifat sharare oDhe dhuen ke kambal

    doshizgi gham ko jhulsaen jab musalsal

    chinghaDti hain sansen sinon mein be-tahasha

    jaise azim insan pamal ho gaya ho

    jaise har ek luT kar kangal ho gaya ho

    ek muKHtasar sa pal bhi sad sal ho gaya ho

    ajgar gupha mein leTa shiriniyan chabae

    aur hum ye sukhe patte ab tak baTorte hain

    Source:

    Shoalon Ka Shajar (Pg. 72)

    • Author: Chander Bhan Khayal
      • Edition: 1969
      • Publisher: Sutoor Parkashan
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now