abhi to main jawan hun

abhī to maiñ javān huuñ

javān ho to zindagī kī nabz gudgudā to do

javān ho to vaqt kī siyāhiyāñ miTā to do

ye aag lag rahī hai kyuuñ use zarā bujhā to do

abhī to maiñ javān huuñ

javān ho to āñdhiyoñ se Dar rahe ho kis liye

javān ho to be-kasī se mar rahe ho kis liye

urūs-e-nau kī tarah tum sañvar rahe ho kis liye

abhī to maiñ javān huuñ

javān ho to shīsha-o-sharāb zindagī nahīñ

javān ho to zindagī meñ sirf ik hañsī nahīñ

falak pe badliyāñ bhī haiñ falak pe chāñdnī nahīñ

abhī to maiñ javān huuñ

javān ho to ho ga.e ho zindagī pe baar kyuuñ

javān ho to dar hī se palaT ga.ī bahār kyuuñ

dimāġh hasratoñ kā hai banā huā mazār kyuuñ

abhī to maiñ javān huuñ

javān ho to zindagī se kaam le ke baḌh chalo

javān ho to hurriyat kā naam le ke baḌh chalo

dayār-e-inqalāb kā payām le ke baḌh chalo

abhi to main jawan hun

jawan ho to zindagi ki nabz gudguda to do

jawan ho to waqt ki siyahiyan miTa to do

ye aag lag rahi hai kyun use zara bujha to do

abhi to main jawan hun

jawan ho to aandhiyon se Dar rahe ho kis liye

jawan ho to be-kasi se mar rahe ho kis liye

urus-e-nau ki tarah tum sanwar rahe ho kis liye

abhi to main jawan hun

jawan ho to shisha-o-sharab zindagi nahin

jawan ho to zindagi mein sirf ek hansi nahin

falak pe badliyan bhi hain falak pe chandni nahin

abhi to main jawan hun

jawan ho to ho gae ho zindagi pe bar kyun

jawan ho to dar hi se palaT gai bahaar kyun

dimagh hasraton ka hai bana hua mazar kyun

abhi to main jawan hun

jawan ho to zindagi se kaam le ke baDh chalo

jawan ho to hurriyat ka nam le ke baDh chalo

dayar-e-inqalab ka payam le ke baDh chalo