abhi uski zarurat thi

Abbas Tabish

abhi uski zarurat thi

Abbas Tabish

MORE BYAbbas Tabish

    Interesting Fact

    On Faiz's death

    saf-e-mātam bichhī hai

    suḳhan āḳhirī dar band hone ḳhabar ne

    khiḌkiyoñ ke paar baiThe ġhamgusāroñ ko

    ye kaisī chup lagā hai

    ye kis nā-gahānī maut par sargoshiyoñ aag raushan hai

    kisī ke kunj-e-lab se koī taarā mere dil par aan paḌtā hai

    burā ho maut jis ne mire fariyād-ras jaan le hai

    abhī us zarūrat thī

    maiñ is duniyā ke ik goshe meñ baiThā sochtā huuñ

    aaj is vīrān mañDlī meñ

    maiñ kis ko pursa dene ke liye aayā huuñ

    mujh ko ta.aziyat to ḳhud se karnā thī

    abhī is ghar se ik mayyat sidhārī hai

    dam-e-ruḳhsat

    kisī ne nik.hat-e-zulf-e-pareshāñ nahīñ pūchā

    kisī ne dukh ke andar raushnī chhab nahīñ dekhī

    makāñ se phūTne vaalī ravish par

    ek bachcha ro rahā hai

    aaj us ke āñ.suoñ ko kaun poñchhegā

    ki us ke saath jo shatranj baazī lagātā thā

    vo ab zer-e-zamīñ ik chādar-e-sāda ḳhushbū hai

    yahāñ sub.heñ bhī ā.eñgī

    yahāñ shāmeñ bhī utreñgī

    magar ik hichkiyāñ letā huā bachcha

    charāġh-e-ārzū ban kar

    sar-e-tāq-e-lahad gūñgī zamīñ lab-kushā.ī tak pukāre

    burā ho maut jis ne mire fariyād-ras jaan le hai

    saf-e-matam bichhi hai

    suKHan ka aaKHiri dar band hone ki KHabar ne

    khiDkiyon ke par baiThe ghamgusaron ko

    ye kaisi chup laga di hai

    ye kis ki na-gahani maut par sargoshiyon ki aag raushan hai

    kisi ke kunj-e-lab se koi tara mere dil par aan paDta hai

    bura ho maut ka jis ne mere fariyaad-ras ki jaan le li hai

    abhi us ki zarurat thi

    main is duniya ke ek goshe mein baiTha sochta hun

    aaj is viran manDli mein

    main kis ko pursa dene ke liye aaya hun

    mujh ko taziyat to KHud se karna thi

    abhi is ghar se ek mayyat sidhaari hai

    dam-e-ruKHsat

    kisi ne nikhat-e-zulf-e-pareshan ka nahin pucha

    kisi ne dukh ke andar raushni ki chhab nahin dekhi

    makan se phuTne wali rawish par

    ek bachcha ro raha hai

    aaj us ke aansuon ko kaun ponchhega

    ki us ke sath jo shatranj ki bazi lagata tha

    wo ab zer-e-zamin ek chadar-e-sada ki KHushbu hai

    yahan subhen bhi aaengi

    yahan shamen bhi utrengi

    magar ek hichkiyan leta hua bachcha

    charagh-e-arzu ban kar

    sar-e-taq-e-lahad gungi zamin ki lab-kushai tak pukare ga

    bura ho maut ka jis ne mere fariyaad-ras ki jaan le li hai

    Source :
    • Book : Ishq Abaad (kulliyat) (Pg. 156)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now