اچھی اردو پیاری اردو

اسنی بدر

اچھی اردو پیاری اردو

اسنی بدر

MORE BYاسنی بدر

    اچھی اردو پیاری اردو

    کچھ دیر تو مجھ سے بات کرو

    جو نیل گگن سے آئی ہو

    تو روشن میری رات کرو

    جو کومل سندر لڑکی ہو

    تو دل اپنا سوغات کرو

    جو بازی رکھو چاہت کی

    تم جیتو ہم کو مات کرو

    ان پھیکے پھیکے لفظوں پر

    سب بے جا خوب اکڑتے ہیں

    سب جانتے ہیں تم بولتی ہو

    تو پھول لبوں سے جھڑتے ہیں

    سب اپنے ادھورے جملوں میں

    یہ ہیرے موتی جڑتے ہیں

    سب تم سے آنکھ ملاتے ہیں

    سب پاؤں تمہارے پڑتے ہیں

    ہم نے تو یہی دیکھا ہے یہاں

    جو تم نے کہا وہ ریت بنا

    ہم نے تو یہی سمجھا ہے یہاں

    سر تم نے دئے سنگیت بنا

    ہم نے تو یہی جانا ہے یہاں

    تم سے ہی کوئی من میت بنا

    نظموں نے ہمیں چوما بڑھ کر

    اور میٹھا سچا گیت بنا

    لیکن یہ تمہاری قسمت ہے

    ہات آئی ہے ایسی تنہائی

    پھرتی ہو کہیں ماری ماری

    جو ملتا ہے سو ہرجائی

    ہر روز کے دھوکے راہوں میں

    ہر روز جبیں پر رسوائی

    ہر روز ذرا سی خوش فہمی

    ہر روز کی محفل آرائی

    جب دنیا کے ان میلوں سے

    تھک جاؤ تو مرے پاس آنا

    جب اوروں کی بانہوں سے کبھی

    اکتاؤ تو مرے پاس آنا

    میں بڑھ کر نذر اتاروں گی

    گھبراؤ تو میرے پاس آنا

    مرہم سے نہیں بھر پائے اگر

    یہ گھاؤ تو میرے پاس آنا

    اچھی اردو پیاری اردو

    اچھی اردو پیاری اردو

    RECITATIONS

    عذرا نقوی

    عذرا نقوی

    عذرا نقوی

    Achi urdu pyari urdu عذرا نقوی

    related content

    نظم

    چاہتوں کا جہان ہے اردو

    چاہتوں کا جہان ہے اردو

    کرشن موہن

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY